7 قىركٷيەكتە مينسك ورتالىعىندا بەلگٸسٸز بٸرەۋلەر بەلارۋس وپپوزيتسيياسى جەتەكشٸلەرٸنٸڭ بٸرٸ مارييا كولەسنيكوۆانى ۇرلاپ ەكەتكەن. بۇل تۋرالى كۋەگەرلەر سٶزٸنە سٷيەنگەن Tut.by سايتى حابارلادى.
Tut.by سايتىنا جاۋاپ بەرگەن كۋەگەرلەردٸڭ سٶزٸنە قاراعاندا, كولەسنيكوۆانى بەلگٸسٸز توپ "بايلانىس" (سۆياز) دەگەن جازۋى بار ميكرواۆتوبۋسقا وتىرعىزىپ, بەلگٸسٸز جاققا الىپ كەتكەن. ونىڭ تەلەفونى جاۋاپ بەرمەيدٸ. بەلارۋس ٸشكٸ ٸستەر مينيسترلٸگٸ كولەسنيكوۆانىڭ ۇستالعانى تۋرالى اقپارات جوعىن ايتتى.
كولەسنيكوۆا - بەلارۋس پرەزيدەنتتٸگٸنەن ٷمٸتكەر قاماۋداعى ۆيكتور باباريكو شتابىنىڭ ٶكٸلٸ. سايلاۋالدى كامپانييا كەزٸندە قوعامعا تانىلىپ, ميتينگٸلەردە سٶيلەگەن "ەيەلدەر ٷشتٸگٸنٸڭ" قۇرامىنا (بۇل تريودا تٸركەلمەگەن كانديدات ۆالەريي تسەپكالونىڭ ەيەلٸ مەن پرەزيدەنت سايلاۋىنا قاتىسقان سۆەتلانا تيحانوۆسكايا بار) ەنگەن. ول وپپوزيتسييا قۇرعان ٷيلەستٸرۋ كەڭەسٸنٸڭ پرەزيديۋم مٷشەسٸ بولعان.
مينسكٸدە جەكسەنبٸ كٷنٸ ٶتكەن نارازىلىق شاراسىنا ونداعان مىڭ ادام قاتىسقان. ٸشكٸ ٸستەر مينيسترلٸگٸ 6 قىركٷيەكتە ەلدٸڭ تٷرلٸ ايماعىندا 633 ادامنىڭ ۇستالعانىن حابارلادى. قۇقىق قورعاۋشىلار كەمٸندە 200 ادامنىڭ ۇستالعانىن, بٸر بٶلٸگٸن دۋبينكاسى بار ارنايى جاساق فورماسىن كيمەگەن ادامدار ۇستاعانىن ايتتى. كۋەگەرلەر شارادا "تيتۋشكا" دەگەن اتپەن بەلگٸلٸ توپتىڭ بەلسەندٸلٸگٸ بايقالعانىن حابارلادى. بۇل سٶز ۋكرايناداعى ەۋرومايدان كەزٸندە پايدا بولعان. ۋكراينادا ميتينگ ٶتكٸزۋگە كەدەرگٸ كەلتٸرٸپ, ارانداتۋشىلاردى "تيتۋشكا" دەپ اتايدى.
تامىز ايىندا بەلارۋس بيلٸگٸنٸڭ قىسىمىمەن ەلدەن سۆەتلانا تيحانوۆسكايا مەن ٷيلەستٸرۋ كەڭەسٸنٸڭ پرەزيديۋم مٷشەسٸ ولگا كوۆالكوۆا كەتكەن.
پرەزيدەنت الەكساندر لۋكاشەنكوعا قارسى نارازىلىق اكتسييالارىنىڭ جالعاسىپ جاتقانىنا بٸر ايعا جۋىقتادى. قارسىلىق شارالارى كەزٸندە كٶپتەگەن ادام ۇستالىپ, سوققىعا جىعىلعان, ازاپتالعان.
