قر وقۋ-اعارتۋ ۆيتسە-مينيسترٸ عاني بەيسەمباەۆ پەداگوگتەرگە جازعى ەڭبەك دەمالىسى مەن ەمدەلۋ ٶتەماقىسى قاشان تولىق تٶلەنەتٸنٸن ايتتى, دەپ حابارلايدى قازاقپارات.
«بۇل مەسەلەنٸڭ تۋىنداۋى اقشانىڭ جوقتىعىنا بايلانىستى ەمەس جەنە جٷيەلٸ پروبلەما دا ەمەس. نەگٸزٸنەن جەرگٸلٸكتٸ قارجىنى بٶلگەندە ەكٸمدٸكتەر جٸتٸ مەن بەرمەگەندٸكتەن وسىنداي مەسەلە تۋىنداپ وتىر. ياعني, ۋاقىتشا مەسەلە دەپ ايتۋعا بولادى. اقشا بار, مەسەلە مينيسترلٸكتٸڭ جٸتٸ قاداعالاۋىندا. ەڭ باستىسى مۇعالٸمدەر تيەسٸلٸ جالاقىسىن العانى كەرەك», - دەدٸ مينيستردٸڭ ورىنباسارى.
ونىڭ ايتۋىنشا, مينيسترلٸك ەڭبەكاقى قارىزى بار ٶڭٸرلەردٸڭ ەكٸمدٸكتەرٸمەن بٸرگە جازعى ەڭبەك دەمالىسى مەن ەمدەلۋ ٶتەماقىسىنىڭ قارىزىن تولىق ٶتەۋگە ارنالعان كەستە قۇرعان.
«سول كەستە بويىنشا, جۋىق ارادا, ياعني كەلەسٸ اپتانىڭ باسىنا دەيٸن بەرٸ تيەسٸلٸ اقشاسىن الىپ بٸتەدٸ دەپ وتىرمىز. وبلىستاردىڭ بٸزگە بەرگەن ۋەدەسٸ سونداي. مەن سوعان سٷيەنٸپ ايتىپ وتىرمىن. تيەسٸلٸ تٶلەمدەردٸڭ بەرٸن جۋىق ارادا تٶلەپ بٸتەمٸز دەگەن ۋەدەلەرٸ بار. كٶرٸپ وتىرمىز, ەزٸرگە ول ۋەدەلەرٸن ورىنداپ جاتىر.
پەداگوگتەردٸڭ ايلىعى مەن ەڭبەكاقىسىن, جازدىق دەمالىسقا بايلانىستى اقىلارىن تٶلەۋ جەرگٸلٸكتٸ اتقارۋشى ورگاننىڭ ەنشٸسٸندەگٸ دٷنيە. بٸز وعان قاراماستان بٷكٸل ايماقتارداعى پەداگوگتەردٸڭ ايلىقتارىنىڭ ۋاقتىلى تٶلەنۋٸن باقىلاۋدا ۇستاپ وتىرمىز», - دەدٸ عاني بەيسەمباەۆ.
ەسكە سالساق, كەشە مەجٸلٸس دەپۋتاتى يۋلييا كۋچينسكايا وقۋ-اعارتۋ مينيسترٸ اسحات ايماعامبەتوۆتٸڭ اتىنا دەپۋتاتتىق ساۋال جولداپ, مۇعالٸمدەردٸڭ ايلىعىن كەشٸكتەرمەي تٶلەۋدٸ سۇرادعان ەدٸ. ونىڭ ايتۋىنشا, جازعى ەڭبەك داملىسىنا شىققان مۇعالٸمدەردٸڭ 30 ملرد تەڭگە كٶلەمٸندە ەڭبەكاقىسى تٶلەنبەگەن.
