قر اقپارات جەنە قوعامدىق دامۋ ۆيتسە-مينيسترٸ دانييار ەسين مەدياتسييا ينستيتۋتىن كەڭٸنەن دامىتۋدى تەجەپ تۇرعان پروبلەمالاردى اتادى, دەپ حابارلايدى قازاقپارات.
«بٷگٸندە مەدياتسييا ينستيتۋتىنىڭ كەڭٸنەن دامۋىن جەنە ونى قولدانۋدى تەجەپ تۇرعان پروبلەمالار بار. ولاردىڭ اراسىندا حالىقتىڭ مەدياتسييا رەسٸمدەرٸ تۋرالى جەتكٸلٸكتٸ حاباردار بولماۋى مەن وعان دەگەن سەنٸمنٸڭ تٶمەندٸگٸ. ەلەۋمەتتٸك ساۋالناما نەتيجەسٸنە سٷيەنسەك, سۇرالعان ادامداردىڭ تەك 36 پايىزى مەدياتسييا جايىندا بٸلەدٸ», - دەدٸ دانييار ەسين سەناتتا مەدياتسييا زاڭناماسىن جەتٸلدٸرۋ تاقىرىبىنا ارنالعان دٶڭگەلەك ٷستەل وتىرىسىندا.
مامانداردىڭ پايىمىنشا, مەدياتسييا رەسٸمدەرٸنە حالىقتىڭ سەنٸمٸن ارتتىرۋ ٷشٸن ازاماتتىق داۋلار مەن ەكٸمشٸلٸك ٸستەر بويىنشا سوتقا دەيٸنگٸ كەزەڭدە مٸندەتتٸ تٷردە مەدياتورمەن اقپاراتتىق كەڭەس جٷرگٸزۋدٸ ەنگٸزۋ قاجەت.
«مەدياتور جۇمىسى داۋدىڭ باستاپقى كەزەڭٸندە ونى تيٸمدٸ ەرٸ دەر كەزٸندە رەتتەۋگە مٷمكٸندٸك بەرەدٸ, سونداي-اق سوتتارعا, ٸشكٸ ٸستەر ورگاندارى مەن پروكۋراتۋراعا جٷكتەمەنٸ ازايتادى», - دەپ تٷسٸندٸردٸ د. ەسين.
سونىمەن قاتار ول كەسٸبي مەدياتورلاردى دايارلاۋ ساپاسى مەسەلەسٸنە نازار اۋداردى.
«بٷگٸندە دايارلاۋ باعدارلاماسى بويىنشا وقۋدان ٶتكەنٸن راستايتىن سەرتيفيكاتى بارلار كەسٸبي مەدياتور بولا الادى. وسىعان بايلانىستى قازٸرگٸ جاعدايدى ەسكەرە وتىرىپ, مەدياتورلاردى دايارلاۋ ەرەجەسٸن قايتا قاراۋ ۇسىنىلادى», - دەدٸ ۆيتسە-مينيستر.
ونىڭ ايتۋىنشا, بٷگٸندە قازاقستاندا مەدياتورلاردى دايارلاۋ بويىنشا 120-دان استام قوعامدىق ورتالىق تٸركەلگەن. الايدا ولاردا بٸرىڭعاي باعا ساياساتى, بٸرىڭعاي ەدٸستەمەلٸك ەڭبەكتەر مەن مەدياتسييا رەسٸمدەرٸن جٷرگٸزۋگە ارنالعان شارتتار, سونداي-اق وقىعان مەدياتورلار مەن بەرٸلگەن سەرتيفيكاتتاردى ەسەپكە الاتىن بٸرىڭعاي ورگان جوق.
