قر دەنساۋلىق ساقتاۋ ۆيتسە-مينيسترٸ لەززات اقتاەۆا استانادا بەلگٸسٸز شوكتان جٷرەگٸ توقتاپ قالعان ەيەلدٸڭ ٶلٸمٸنە قاتىستى وقيعاعا تٷسٸنٸك بەردٸ, دەپ حابارلايدى قازاقپارات.
«جاقىندا ولار قالا سىرتىنا ساپارلاعان كٶرٸنەدٸ, سول كەزدە ونى بٸر جەندٸك شاعىپ العان. كٶزٸنٸڭ ماڭىندا ٸسٸك پايدا بولعاننان كەيٸن, ول بٸرٸنشٸ قالالىق اۋرۋحاناعا باردى. الگوريتمگە سەيكەس, دەرٸگەر اللەرگيياعا قارسى پرەپاراتتاردى بەرگەن. سەيكەسٸنشە, وسى پرەپاراتتاردى بەرۋ كەزٸندە شوكتىڭ بەلگٸلەرٸ بايقالعان. وسى ورايدا ناۋقاس ٶكپەنٸ جاساندى جەلدەتۋ اپپاراتىنا اۋىستىرىلدى. بۇل جاعداي سالدارىنان جٷرەك توقتاپ, رەانيماتسييالىق ەرەكەتتەر نەتيجە بەرمەدٸ», - دەدٸ ۆيتسە-مينيستر تٸلشٸلەرگە بەرگەن سۇحباتىندا.
ونىڭ سٶزٸنە قاراعاندا, مەديتسينالىق كەزەكشٸلٸك بريگادا بٸردەن جەدەل بريگادانى شاقىرتقان.
«سەيكەسٸنشە, تالداۋ شارالارى سوت-مەديتسينالىق ساراپتامادا جٷرگٸزٸلەدٸ. قازٸرگٸ كەزدەگٸ قورىتىندى - ول ناقتىلانباعان شوك. ەندٸ باسقا دا تەرەڭدەتٸلگەن زەرتتەۋلەر جٷرگٸزٸلەدٸ. وسىنىڭ نەتيجەسٸندە اتالعان قايعىلى وقيعا بويىنشا ناقتى قورىتىندى شىعارىلادى», - دەدٸ ل. اقتاەۆا.
سونىمەن قاتار ۆيتسە-مينيستر مەديتسينالىق رەسٸمدەر كەزٸندە كەز كەلگەن ەرەكەتتەرگە جازباشا كەلٸسٸم بەرٸلەتٸنٸن اتاپ ٶتتٸ.
ونىڭ ايتۋىنشا, اتالعان وقيعا بويىنشا كەلٸسٸم بولعانىن نەمەسە بولماعانىن انىقتاۋ قاجەت.
«بۇل تۇرعىدا مەديتسينالىق قۇجاتناماعا تالداۋ جاساۋ كەرەك, سەبەبٸ كەلٸسٸم ناۋقاستىڭ ٶزٸنەن الىنادى. ەگەر دە ەمدەلۋشٸ كەمەلەتكە تولماعان جاعدايدا عانا, كەلٸسٸمدٸ اتا-اناسى بەرەدٸ», - دەدٸ ول.
ەستەرٸڭٸزگە سالا كەتەيٸك, اتالعان ەيەلدٸڭ اۋرۋحانادا كٶز جۇمعانى تۋرالى ونىڭ قۇربىسى فەيسبۋكتەگٸ پاراقشاسىندا جازعان بولاتىن. ونىڭ اتاپ ٶتۋٸنشە, 28 جاستاعى ماقپال ەسپەنبەتوۆا ەلورداداعى بٸرٸنشٸ قالالىق اۋرۋحانانىڭ كٶمەگٸنە جٷگٸنگەن.
