قر ٷكٸمەتٸنٸڭ باسپاسٶز ورتالىعىندا مەملەكەت باسشىسىنىڭ «حالىق بٸرلٸگٸ جەنە جٷيەلٸ رەفورمالار – ەل ٶركەندەۋٸنٸڭ بەرٸك نەگٸزٸ» اتتى قازاقستان حالقىنا ارناعان جولداۋى بويىنشا بريفينگ ٶتتٸ. ەلدەگٸ ديزەل وتىنىنىڭ قورى تۋرالى ەنەرگەتيكا مينيسترٸ ماعزۇم مىرزاعاليەۆ ايتىپ بەردٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
«قازٸرگٸ وتىن داعدارىسى بٷگٸن عانا ورىن العان جوق. بٸزدە تامىز ايىنان باستاپ قور قاتتى ازايىپ بارادى, وعان ەگٸن جيناۋ جۇمىستارى دا قوسىلدى. سوندىقتان, ٶكٸنٸشكە وراي, ەلٸمٸزدەگٸ مۇناي بازالارىندا قور كٶلەمٸ ٶتە از», — دەدٸ مىرزاعاليەۆ.
مينيستردٸڭ ايتۋىنشا, نەگٸزگٸ سەبەپ – قازاقستان مەن شەكارالاس ەلدەر اراسىنداعى باعا ايىرماشىلىعى.
«سولياركا بويىنشا قازاقستان مەن رەسەي اراسىنداعى ايىرماشىلىق 90 تەڭگەگە دەيٸن جەتەدٸ. ٶزبەكستان, قىرعىزستان سيياقتى وڭتٷستٸكتەگٸ كٶرشٸلەرٸمٸزبەن ايىرماشىلىق شامامەن 70-80 تەڭگەنٸ قۇرايدى», — دەپ اتاپ ٶتتٸ ول.
بۇل پروبلەمانى شەشۋ ٷشٸن رەسەي فەدەراتسيياسىنىڭ ەنەرگەتيكا مينيسترلٸگٸمەن شامامەن 100 مىڭ توننا كٶلەمٸندە ديزەل وتىنى يمپورتىنىڭ قاجەتتٸ كٶلەمٸن بٶلۋگە قاتىستى كەلٸسسٶز جٷرگٸزٸلدٸ.
قازٸرگٸ تاڭدا جمقس-نىڭ ٸرٸ جەلٸلەرٸندە رەسەي فەدەراتسيياسىنىڭ جەتكٸزۋشٸلەرٸمەن كەلٸسسٶزدەر جٷرگٸزٸلٸپ جاتىر. رەسەي فەدەراتسيياسىنىڭ زاۋىتتارىنان ديزەل وتىنىن جٶنەلتۋ 1-20 قىركٷيەك ارالىعىندا 5 مىڭ توننانى قۇرايدى, ال 21-28 قىركٷيەك ارالىعىندا شامامەن 15 مىڭ توننا ديزەل وتىنى تيەپ جٶنەلتٸلدٸ.
سونىمەن قاتار بيىلعى جىلدىڭ 1 قازانىنان باستاپ پاۆلودار مۇناي ٶڭدەۋ زاۋىتى جٶندەۋگە جابىلادى. وسى ۋاقىتقا دەيٸن وتىننىڭ جەتكٸلٸكتٸ مٶلشەرٸن قالىپتاستىرۋ كەرەك ەدٸ. الايدا, وسى جىلدىڭ تامىز جەنە قىركٷيەك ايلارىندا ديزەل وتىنىن تۇتىنۋدىڭ اسا قاتتى ٶسۋٸنە بايلانىستى (تامىزدا – 519 مىڭ توننا, قىركٷيەكتە 500 مىڭ توننادان استام بولادى دەپ كٷتٸلۋدە), قور دەڭگەيٸ جەتكٸلٸكسٸز دەڭگەيدە قالدى. وسىعان بايلانىستى, مينيسترلٸك ٸرٸ تۇتىنۋشىلارعا, سونداي-اق جمقس جەلٸلەرٸنە ديزەل وتىنىنىڭ جەتٸسپەيتٸن كٶلەمٸن يمپورتتاۋدى ۇسىندى.
«بٷگٸندە زاۋىتتاردان جٶنەلتۋ جوسپارلى رەجيمدە جٷرٸپ جاتىر. جەرگٸلٸكتٸ اتقارۋشى ورگاندار – ەكٸمدٸكتەردەن جانارماي قۇيۋ بەكەتتەرٸ مەن مۇناي بازالارىن تەكسەرۋدٸ سۇرايمىن. بٸرەۋلەر كٶپ اقشا تاۋىپ قالۋ نيەتٸمەن سولياركانى ساتپاي, ۇستاپ وتىرۋى مٷمكٸن. ەنەرگەتيكا مينيسترلٸگٸ ەلٸمٸزدٸڭ ديزەل وتىنىنسىز قالماۋى ٷشٸن بارلىق جاعدايدى جاسايدى», — دەدٸ ەنەرگەتيكا مينيسترٸ.
ايتا كەتەيٸك, مۇناي ٶنٸمدەرٸنٸڭ نارىعى – جوعارى قۇبىلمالى, سالىق سالۋ, باعا بەلگٸلەۋ جٷيەسٸ, قازاقستاندا دا, كٶرشٸلەس ەلدەردە دە ججم ٶندٸرۋ دەڭگەيٸ (باقىلانبايتىن اعىن), سۇرانىستىڭ ماۋسىمدىلىعى, مٶز-دەگٸ تەحنولوگييالىق ٸركٸلٸستەر نەمەسە كٷردەلٸ جٶندەۋ جۇمىستارى تۋرالى اقپارات سەكٸلدٸ كٶپتەگەن فاكتورلاردىڭ ەسەرٸنە ۇشىرايدى.
