قازاقستان ساۋدا جەنە ينتەگراتسييا مينيسترلٸگٸنٸڭ تۇتىنۋشىلاردىڭ قۇقىقتارىن قورعاۋ كوميتەتٸ 31 قاڭتاردا نۇر-سۇلتان قالاسى سوتىنا "Bek Air" ەۋە كومپانيياسىنىڭ ٷستٸنەن تۇتىنۋشىلاردىڭ قۇقىقتارىن بۇزۋ تۋرالى تالاپ ارىز بەردٸ. بۇل تۋرالى ساۋدا جەنە ينتەگراتسييا مينيسترلٸگٸنٸڭ باسپاسٶز قىزمەتٸنە سٸلتەمە جاساپ, جەرگٸلٸكتٸ بٸرقاتار باسىلىم حابارلادى.
تالاپ ارىزدا ۇشاق اپاتىنان كەيٸن قىزمەتٸنٸڭ توقتاتىلۋىنا بايلانىستى "Bek Air" ەۋە كومپانيياسى بۇعان دەيٸن ساتىپ الىنعان "ۇشاق بيلەتتەرٸنٸڭ اقشاسىن ۋاقىتىندا قايتارماي, تۇتىنۋشىنىڭ قۇقىعىن بۇزىپ وتىرعانى" ايتىلعان. كوميتەت جالپى سوماسى 444 434 تەڭگە بولاتىن بيلەت ساتىپ العان 20 ادامنان شاعىم تٷسكەنٸن جەتكٸزدٸ.
"Bek Air" ەۋە كومپانيياسىنىڭ جۇمىسى ٶتكەن جىلى جەلتوقساننىڭ اياعىندا الماتى ەۋەجايى ماڭىندا بولعان ۇشاق اپاتىنان كەيٸن ۋاقىتشا توقتاتىلعان.
27 جەلتوقساندا تاڭەرتەڭ Bek Air ەۋە كومپانيياسىنىڭ Fokker-100 جولاۋشى ۇشاعى الماتى ەۋەجايىنان ەۋەگە كٶتەرٸلە بەرە اپاتقا ۇشىراپ, سول ماڭداعى ٷيگە سوعىلعان. ۇشاقتا 93 جولاۋشى جەنە ەكيپاجدىڭ بەس مٷشەسٸ بولعان. اپات سالدارىنان 12 ادام قازا تاۋىپ, ونداعان جولاۋشى اۋرۋحاناعا تٷسكەن. ۇشاق سوعىلعان ٷيدٸڭ جاڭادان سالىنىپ جاتقانى, اپات كەزٸندە ٷيدٸڭ ٸشٸندە ادام بولماعانى حابارلانعان. قازٸر تەرگەۋ امالدارى جالعاسىپ جاتىر.
