فوتو: Tengrinews.kz/سۆياتوسلاۆ انتونوۆ©
جەلٸدە ەسكەردە قىسىم كٶرگەنٸن ايتقان قىزدىڭ جازبالارى تاراعان بولاتىن. ارنايى كوميسسييا وسى ٸسكە قاتىستى تەكسەرٸستٸ اياقتادى, - دەپ حابارلايدى "ۇلت اقپارات" قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
مينيستر تاپسىرماسىنا سەيكەس قۇرىلعان ارنايى كوميسسييا كەلٸسٸمشارت بويىنشا ەسكەري قىزمەتشٸ ا.ب. ەلشٸباەۆانىڭ قارۋلى كٷشتەر قاتارىنان زاڭسىز شىعارىلۋى جەنە باتالون كومانديرٸ تاراپىنان وعان وعاش قىلىق كٶرسەتۋٸ تۋرالى ەلەۋمەتتٸك جەلٸدە جارييالانعان جازباعا قاتىستى قوسىمشا تەكسەرۋدٸ اياقتاعان.
"قورعانىس مينيسترلٸگٸنٸڭ كوميسسيياسى ازاماتشا ا.ب. ەلشٸباەۆانىڭ ايتقان تۇجىرىمى مەن ايعاقتارىن قايتادان مۇقييات زەردەلەدٸ. جان-جاقتى تەكسەرٸس نەتيجەسٸندە ەلشٸباەۆانىڭ ارىزىندا كٶرسەتٸلگەن فاكتٸلەر قۇجاتپەن راستالماعانىن جەنە شىندىققا جاناسپايتىنىن انىقتادى.
بۇعان دەيٸن, 2022 جىلدىڭ 6 مامىرىندا قوناەۆ گارنيزونىنىڭ ەسكەري پوليتسييا بٶلٸمٸ اتالعان ەسكەري قىزمەتشٸنٸڭ جازباشا ٶتٸنٸشٸ بويىنشا تەكسەرۋ جۇمىستارىن جٷرگٸزگەن. باتالوننىڭ بارلىق جەكە قۇرامى ا.ب. ەلشٸباەۆاعا قاتىستى 54179 ەسكەري بٶلٸمٸنٸڭ لاۋازىمدى تۇلعالارى تاراپىنان زاڭسىز ٸس-ەرەكەت فاكتٸلەرٸنٸڭ بولعانىن راستامادى" - دەلٸنگەن حابارلامادا.
جاڭا كوميسسييا جۇمىسىنىڭ نەتيجەلەرٸ جەنە قوناەۆ گارنيزونىنىڭ ەسكەري پوليتسييا بٶلٸمٸ جيناعان ماتەريالداردى قاراۋ, سونداي-اق 54179 ەسكەري بٶلٸمٸ قىزمەتشٸلەرٸنٸڭ تٷسٸندٸرمەلەرٸن تالداۋ بويىنشا دا ازاماتشا ا.ب.ەلشٸباەۆا ۇسىنعان ايىپتاۋلار راستالماعان.
ايتا كەتۋ كەرەك, بۇرىنعى ەسكەري قىزمەتشٸ قىزمەت اتقارۋ بارىسىندا باتالون قولباسشىلىعى تاراپىنان بٸرنەشە مەرتە ەسكەرتۋ العان جەنە ەسكەري بٶلٸمنٸڭ اۋماعىنا ۇيالى تەلەفوندى زاڭسىز الىپ كٸرگەنٸ ٷشٸن تەرتٸپتٸك جاۋاپكەرشٸلٸككە تارتىلعان.
ۆەدومستۆو مەلٸمەتٸنشە, بيىل 3 مامىردا اتتەستاتتاۋ كوميسسيياسىنىڭ شەشٸمٸنە سەيكەس ا.ب. ەلشٸباەۆا جاۋىنگەرلٸك دايارلىق باعدارلاماسىن تٶمەن مەڭگەرگەنٸ جەنە تەرتٸپتٸ بۇزعانى ٷشٸن قر قارۋلى كٷشتەرٸ قاتارىنان تەرٸس پيعىلى بويىنشا شىعارىلعان.
سونىمەن قاتار, مينيسترلٸك قازاقستان رەسپۋبليكاسىنىڭ قولدانىستاعى زاڭىنا سەيكەس ا.ب. ەلشٸباەۆا اتتەستاتتاۋ كوميسسيياسىنىڭ قورىتىندىسىمەن كەلٸسپەگەن جاعدايدا سوت ورگاندارىنا جٷگٸنۋگە قۇقىلى ەكەنٸن مەلٸمدەدٸ.
