سوڭعى اپتادا Stopfake.kz پورتالىنىڭ قارالىمى 66 مىڭنان استى. ەلوردادا ٶتٸپ جاتقان قازاقتٸلدٸ كونتەنت جاساۋشىلاردىڭ دەستٷرلٸ فورۋمىندا «ينفودەمييا» مەسەلەسٸن قوزعاعان قر اقپارات جەنە قوعامدىق دامۋ مينيسترٸ ايدا بالاەۆا وسىنداي مەلٸمەت ايتتى, حابارلايدى قازاقپارات.
«بٷگٸنگٸ عالامدىق تسيفرلاندىرۋ زامانىندا ينتەرنەت ەلەمدٸك دەستٷرلٸ مەديانىڭ ٶزگەرۋٸنە زور ىقپال ەتٸپ جاتقانى بەلگٸلٸ. بۇل ەسٸرەسە, بىلتىر ورىن العان پاندەمييا كەزٸندە ايقىن بٸلٸندٸ. تٷرلٸ ەلەۋمەتتٸك جەلٸلەر, «WhatsApp», «Telegram-ارنالار», «YouTube» پەن «تik-توك» قوسىمشالاردان تاراعان جالعان اقپاراتتاردان قوعامدا «ينفودەمييا» مەسەلەسٸ ٶزەكتٸ تاقىرىپقا اينالدى. سوندىقتان بٸز دەر كەزٸندە شەشٸم قابىلداپ, Stopfake.kz پورتالىن ٸسكە قوستىق. قازاق جەنە ورىس تٸلدەرٸندە حابار تاراتاتىن سايت بٷگٸنگە دەيٸن قوعامدى ەبٸگەرگە سالعان 2 مىڭعا جۋىق فەيك اقپاراتتى جوققا شىعاردى. سوڭعى اپتاداعى سايتتىڭ قارالىمى 66 مىڭنان اسادى. بۇل ورايدا, بٷگٸنگٸ جۋرناليستەر «فاكتچەكينگ» تالابىن ٷنەمٸ ەستە ۇستاۋى قاجەت», -دەدٸ ۆەدومستۆو باسشىسى.
ونىڭ پايىمىنشا, ينتەرنەت سايتتاردىڭ مٸندەتٸ تەك اقپارات بەرۋ ەمەس. ينتەرنەت – جالپى قوعامدىق پٸكٸر قالىپتاستىراتىن ىقپالدى قۇرال.
«بۇقارالىق اقپارات قۇرالدارىنداعى ٶنٸم ساپاسىنا قاتىستى كٶكەيتەستٸ مەسەلەلەر بٸرٸنشٸ كەزەكتە تٸلشٸلەر قاۋىمىنىڭ – جۋرناليستٸڭ بٸلٸم-بٸلٸگٸنە بايلانىستى ەكەنٸ تٷسٸنٸكتٸ. بۇل بٷگٸندە ەلٸمٸزدەگٸ قازاق جەنە ورىستٸلدٸ مەدياعا ورتاق تالاپ. بۇل ورايدا, بٸزدٸڭ مينيسترلٸك تٸلشٸلەردٸڭ بٸلٸمٸن كٶتەرٸپ, ەسٸرەسە سالالىق جۋرناليستيكانىڭ دامۋىنا ارنالعان كەشەندٸ جۇمىستاردى قولعا الدى. بٷگٸنگە دەيٸن مەديتسينا, دٸن, ەكولوگييا سالالارى بويىنشا 4 مىڭنان استام جۋرناليست ارنايى وقىتۋ كۋرستارىنان ٶتتٸ. بۇل باعىتتاعى جۇمىستار الداعى ۋاقىتتا جٷيەلٸ جالعاساتىن بولادى», - دەدٸ مينيستر.
