Sońǵy aptada Stopfake.kz portalynyń qaralymy 66 myńnan asty. Elordada ótip jatqan qazaqtildi kontent jasaýshylardyń dástúrli forýmynda «infodemiia» máselesin qozǵaǵan QR Aqparat jáne qoǵamdyq damý ministri Aida Balaeva osyndai málimet aitty, habarlaidy QazAqparat.
«Búgingi ǵalamdyq tsifrlandyrý zamanynda internet álemdik dástúrli medianyń ózgerýine zor yqpal etip jatqany belgili. Bul ásirese, byltyr oryn alǵan pandemiia kezinde aiqyn bilindi. Túrli áleýmettik jeliler, «WhatsApp», «Telegram-arnalar», «YouTube» pen «Tik-Tok» qosymshalardan taraǵan jalǵan aqparattardan qoǵamda «infodemiia» máselesi ózekti taqyrypqa ainaldy. Sondyqtan biz der kezinde sheshim qabyldap, Stopfake.kz portalyn iske qostyq. Qazaq jáne orys tilderinde habar taratatyn sait búginge deiin qoǵamdy ábigerge salǵan 2 myńǵa jýyq feik aqparatty joqqa shyǵardy. Sońǵy aptadaǵy saittyń qaralymy 66 myńnan asady. Bul oraida, búgingi jýrnalister «faktcheking» talabyn únemi este ustaýy qajet», -dedi vedomstvo basshysy.
Onyń paiymynsha, internet saittardyń mindeti tek aqparat berý emes. Internet – jalpy qoǵamdyq pikir qalyptastyratyn yqpaldy qural.
«Buqaralyq aqparat quraldaryndaǵy ónim sapasyna qatysty kókeitesti máseleler birinshi kezekte tilshiler qaýymynyń – jýrnalistiń bilim-biligine bailanysty ekeni túsinikti. Bul búginde elimizdegi qazaq jáne orystildi mediaǵa ortaq talap. Bul oraida, bizdiń ministrlik tilshilerdiń bilimin kóterip, ásirese salalyq jýrnalistikanyń damýyna arnalǵan keshendi jumystardy qolǵa aldy. Búginge deiin meditsina, din, ekologiia salalary boiynsha 4 myńnan astam jýrnalist arnaiy oqytý kýrstarynan ótti. Bul baǵyttaǵy jumystar aldaǵy ýaqytta júieli jalǵasatyn bolady», - dedi ministr.
