قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ باتىس قازاقستان وبلىسى ورمان شارۋاشىلىعى جەنە جانۋارلار دٷنيەسٸ اۋماقتىق ينسپەكتسيياسىنىڭ بٶلٸم باسشىسى سەرٸك مەجەنوۆتٸڭ ٶلٸمٸنە قاتىستى پٸكٸر بٸلدٸردٸ, دەپ حابارلايدى قازاقپارات.
«پوليتسييا تاراتقان نۇسقا بويىنشا مارقۇم سەرٸك مەجەنوۆ اڭ اۋلاپ جٷرٸپ قايتىس بولعان. ٷش ادام بولعان. سونىڭ بٸرٸ ينسپەكتور دەپ وتىر. بٸراق مارقۇمنىڭ وتباسى قايعىلى وقيعا رەيد كەزٸندە بولعانىن ايتىپ وتىر. تٸپتٸ ونى رەيدكە اتتانعانى تۋرالى قاعاز دا بار ەكەن. اۋماقتىق ينسپەكتسييانىڭ باسقا قىزمەتكەرلەرٸ دە پوليتسييا ۇسىنعان نۇسقاعا سەنبەيتٸنٸن ايتتى. ولار قايعىلى وقيعا براكونەرلەردٸ ۇستاۋ كەزٸندە بولعان دەپ توپشىلايدى. ەگەر پوليتسييا ايتقانداي, اڭ اۋلاپ جٷرگەن بولسا, قاسىنداعى ەكٸ ادام كٸم? ول جەردە شىن مەنٸندە نە بولعان? سٸزدە قانداي اقپارات بار?», - دەپ سۇرادى بٷگٸن مينيستردەن باق ٶكٸلٸ.
مينيستر تەرگەۋ امالدارى اياقتالعان كەزدە عانا ناقتى شىندىق بەلگٸلٸ بولاتىنىن ايتتى.
«ٶكٸنٸشكە قاراي, وسىنداي جاعداي بولدى. وسى سەتتٸ پايدالانىپ, قايتىس بولعان ەرٸپتەستٸمٸزدٸڭ وتباسىنا مينيسترلٸكتٸڭ اتىنان تاعى دا كٶڭٸل ايتقىم كەلەدٸ. باستاپقى نۇسقا بويىنشا, بۇل - كەزدەيسوق ورىن العان قايعىلى وقيعا. قازٸر تيٸستٸ ورگاندار تەرگەۋ شارالارىن جٷرگٸزٸپ جاتىر. بٷگٸنگٸ تاڭدا بٸزدە ەزٸرگە تولىق سەنٸمدٸ اقپارات جوق. تەرگەۋ قورىتىندىسىنىڭ اياقتالعانىن كٷتەمٸز», - دەدٸ سەرٸكقالي برەكەشەۆ.
