فوتو:elements.envato.com
الماتىداعى جوعارى وقۋ ورىندارىنىڭ جٷزدەن اسا ستۋدەنتٸ باسپانا مەسەلەسٸنە بايلانىستى قيىن جاعدايدا قالدى. بۇل تۋرالى عىلىم جەنە جوعارى بٸلٸم مينيسترٸ ساياسات نۇربەك مەلٸمدەدٸ. ول مەسەلەنٸ قالاي شەشۋ جوسپارلانىپ وتىرعانىن ايتتى, - دەپ حابارلايدى Tengrinews.kz.
"جاتاقحانا مەسەلەسٸ بار, بۇل - بٸر كٷننٸڭ, بٸر جىلدىڭ پروبلەماسى ەمەس, ونداعان جىل بويى قوردالانىپ كەلەدٸ. الماتىدا جوعارى وقۋ ورىندارى شوعىرلانعان. 36 ۋنيۆەرسيتەت, بارلىق ستۋدەنتتٸڭ ٷشتەن بٸرٸ, ونىڭ 70 پايىزى - باسقا قالالاردان كەلگەندەر. قازٸر الماتىدا اۋقىمدى شارالار كەشەنٸن ٶتكٸزٸپ جاتىرمىز, جاتاقحانالار قۇرىلىسىنا جەنە اكادەمييالىق ينفراقۇرىلىمدى كەڭەيتۋگە جەكە كاپيتالدى تارتۋ ماقساتىندا ينۆەستورلارمەن كەزدەستٸك. الماتىدا جەكە شتاب قۇرىلدى, قيىن جاعدايعا تاپ بولعان ستۋدەنتتەردٸڭ بەرٸن ۋاقىتشا ورنالاستىرامىز, باسپانا ٸزدەپ جاتىرمىز. بٷگٸندە قيىن جاعدايدا قالعان 130 ستۋدەنتكە كٶمەك كٶرسەتٸلدٸ", - دەدٸ ساياسات نۇربەك ورتالىق كوممۋنيكاتسييالار قىزمەتٸندە ٶتكەن بريفينگتە.
ول قازاقستاندىق جوعارى وقۋ ورىندارىنا قاتاڭ تالاپتار ەنگٸزۋ تۋرالى بۇرىنعى مەلٸمدەمەسٸن تٷسٸندٸرٸپ ٶتتٸ.
"ەگەر ۋنيۆەرسيتەت جاڭا ماماندىق اشقىسى كەلسە, وسى جاڭا ماماندىق بويىنشا ستۋدەنتتەردٸ تارتقىسى كەلسە, تٸپتٸ جاڭا ۋنيۆەرسيتەت اشقىسى كەلسە دە, جاتاقحانامەن 100 پايىز قامتاماسىز ەتۋگە ٶتە قاتاڭ تالاپتار قويىلادى. ۋنيۆەرسيتەت 100 ستۋدەنتتٸ جاڭا ماماندىققا تارتقىسى كەلەدٸ دەلٸك. ماماندىعى بويىنشا ول 100 تٶسەك-ورىنمەن قامتاماسىز ەتٸلۋٸ كەرەك", - دەپ تٷسٸندٸردٸ مينيستر.
ول جەكەمەنشٸك ۋنيۆەرسيتەتتەردٸڭ كامپۋستاردى قالا سىرتىنا كٶشٸرۋ باستاماسىن ماقۇلدادى.
"سٷلەيمەن دەميرەل ۋنيۆەرسيتەتٸ سيياقتى بٸرنەشە جەكە جوو-لار كامپۋستارىن قالا سىرتىنا كٶشٸرٸپ جاتىر. جاڭادان قۇرىلعان جەتٸسۋ ٶڭٸرٸندە تالاپكەرلەردٸڭ بٸر بٶلٸگٸن الماتىدان الىستاتۋ ٷشٸن ۋنيۆەرسيتەت ينفراقۇرىلىمىن دامىتۋ بويىنشا ٷلكەن باعدارلاما دا جوسپارلانىپ جاتىر", - دەدٸ ساياسات نۇربەك.
