قر بٸلٸم جەنە عىلىم مينيسترٸ اسحات ايماعامبەتوۆ ەندٸگٸ ۋاقىتتا ٷمٸتكەرلەر مۇعالٸمدٸككە ۇلتتىق بٸلٸكتٸلٸك تەستٸن تاپسىرۋ ارقىلى عانا قابىلداناتىنىن ايتتى, دەپ حابارلايدى قازاقپارات.
«سەرتيفيكاتتاۋ دا - ماڭىزدى مەسەلە. №338 بۇيرىققا ٶزگەرٸستەر ەنگٸزٸلٸپ جاتىر. بيىل عانا بٸتٸرگەن, مۇنىڭ الدىندا بٸلٸم ورداسىندا جۇمىس ٸستەمەگەن, قاتارىمىزعا جاڭادان قوسىلاتىن ەرٸپتەستەرٸمٸز ەندٸ مەكتەپكە بٸردەن كەلە المايدى. ۇلتتىق بٸلٸكتٸلٸك تەستٸلەۋٸن تاپسىرىپ, تيٸستٸ باللدى جيناعاندار عانا جۇمىسقا الىنادى. ول سەرتيفيكاتتاۋ دەپ اتالادى. مەكتەپكە كەلگەننەن كەيٸن دە كوميسسيياعا ساباعىن كٶرسەتٸپ, تەك ديپلومى عانا ەمەس, ونىڭ ارتىندا بٸلٸمٸ, تەجٸريبەسٸ بار ەكەندٸگٸن دەلەلدەيدٸ. بۇل العاش رەت پەداگوگيكالىق ماماندىققا كەلٸپ وتىرعان ادامدارعا عانا قاتىستى. مۇنىڭ الدىندا جۇمىس ٸستەپ جٷرگەن ادامدارعا قاتىستى ەمەس. سٸزدەرگە بۇل مەسەلەنٸ قاداپ تۇرىپ, جاقسىلاپ تۇرىپ ايتامىن. ەرتەڭ تٷسٸنبەۋشٸلٸك بولماسىن», - دەپ ەسكەرتتٸ اسحات ايماعامبەتوۆ رەسپۋبليكالىق پەداگوگيكالىق كەڭەستە.
