QR Bilim jáne ǵylym ministri Ashat Aimaǵambetov endigi ýaqytta úmitkerler muǵalimdikke ulttyq biliktilik testin tapsyrý arqyly ǵana qabyldanatynyn aitty, dep habarlaidy QazAqparat.
«Sertifikattaý da - mańyzdy másele. №338 buiryqqa ózgerister engizilip jatyr. Biyl ǵana bitirgen, munyń aldynda bilim ordasynda jumys istemegen, qatarymyzǵa jańadan qosylatyn áriptesterimiz endi mektepke birden kele almaidy. Ulttyq biliktilik testileýin tapsyryp, tiisti balldy jinaǵandar ǵana jumysqa alynady. Ol sertifikattaý dep atalady. Mektepke kelgennen keiin de komissiiaǵa sabaǵyn kórsetip, tek diplomy ǵana emes, onyń artynda bilimi, tájiribesi bar ekendigin dáleldeidi. Bul alǵash ret pedagogikalyq mamandyqqa kelip otyrǵan adamdarǵa ǵana qatysty. Munyń aldynda jumys istep júrgen adamdarǵa qatysty emes. Sizderge bul máseleni qadap turyp, jaqsylap turyp aitamyn. Erteń túsinbeýshilik bolmasyn», - dep eskertti Ashat Aimaǵambetov respýblikalyq pedagogikalyq keńeste.
