الماتى فونتانىندا توق سوققان بالالاردى قۇتقارعان سەتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتٸنٸڭ 2-كۋرس ستۋدەنتٸ ابىلاي بالاپانوۆ قر تٶتەنشە جاعدايلار مينيسترٸ يۋريي يليننٸڭ بۇيرىعىمەن «تٶتەنشە جاعدايداعى ەرلٸگٸ ٷشٸن» تٶسبەلگٸسٸمەن ماراپاتتالدى, دەپ حابارلايدى "ۇلت اقپارات".
ماراپاتتى قر تٶتەنشە جاعدايلار بٸرٸنشٸ ۆيتسە-مينيسترٸ يبراگيم كٷلشٸمباەۆ تابىستادى.
«تٶتەنشە جاعدايلار مينيسترٸنٸڭ اتىنان سٸزگە بەلسەندٸ ازاماتتىق ۇستانىمىڭىز ٷشٸن ريزاشىلىعىمدى بٸلدٸرەمٸن! سٸز – بٷگٸنگٸ كٷننٸڭ باتىرى اتاعىنا لايىقتىسىز. سىن ساعاتتا ەكٸنٸڭ بٸرٸ سٸز سيياقتى ادام ٶمٸرٸن ساقتاۋمەن قاتار, ٶز ٶمٸرٸن قاۋٸپكە تٸگٸپ, جەدەل شەشٸم قابىلداي المايتىن ەدٸ», - دەدٸ بٸرٸنشٸ ۆيتسە-مينيستر.
ەسكە سالا كەتەيٸك, الماتىدا 19 ماۋسىم كٷنٸ ابىلاي سۋبۇرقاقتىڭ جانىنداعى ورىندىقتا كٸتاپ وقىپ وتىرعان بولاتىن. ايعاي-شۋ مەن كٶمەك سۇراعان داۋىستاردى ەستٸگەن جاس جٸگٸت فونتان ٸشٸندە توق ۇرىپ جاتقان ادامداردى كٶردٸ. ٶز ٶمٸرٸ مەن دەنساۋلىعىنا قاۋٸپ تٶنگەنٸنە قاراماستان, ابىلاي ەش ويلانباستان ادامداردى قۇتقارۋعا كٸرٸسكەن. ونىڭ ايتۋىنشا, ەكٸ ادامدى قۇتقارۋ كەزٸندە ٶزٸن دە ەلەكتر توعى قاتتى سوققان. ستۋدەنت ٶز-ٶزٸنە كەلٸپ ەسٸن جيعانشا, سول ماڭدا كەزدەيسوق بولعان 40-45 جاستاعى بەلگٸسٸز ەر ادام تاعى بٸر قىزدى قۇتقارىپ قالعان.
سۋ بۇرقاقتا ورىن العان وقىس جاعدايدا زارداپ شەككەندەرگە رەانيماتسييالىق شارالار جاساۋ ٷشٸن (جٷرەككە جاناما ماسساج جەنە جاساندى تىنىس الۋ) وقيعا ورنىندا بولعان قالانىڭ جاناشىر تۇرعىندارى دا اتسالىسىپ, كٶمەك بەرگەن.
ابىلاي بالاپانوۆ پەن اتى-جٶنٸ بەلگٸسٸز ەر ادامنىڭ, سونداي-اق وقيعا ورنىندا بولعان قايىرىمدى جانداردىڭ باتىل ەرەكەتٸنٸڭ ارقاسىندا ٷش ادامنىڭ ٶمٸرٸ قۇتقارىلدى.
