فوتو: gov.kz
سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ سۋ تاريفٸنە قاتىستى تٷسٸنٸك بەردٸ, دەپ حابارلايدى Kazinform اگەنتتٸگٸ.
«1 قاڭتاردان باستاپ ەگٸستٸكتەرگە ارنالعان سۋدىڭ ورتاشا ٶلشەنگەن تاريفٸ 1 تەڭگەگە ٶسەدٸ. بٸز اۋىز سۋ تاريفتەرٸن كٶتەرۋ مەسەلەسٸن قاراستىرىپ جاتقان جوقپىز», - دەدٸ نۇرجان نۇرجٸگٸتوۆ سەناتتىڭ جالپى وتىرىسىنان كەيٸن تٸلشٸلەر سۇراعىنا جاۋاپ بەرە وتىرىپ.
بۇل تۇرعىدا مينيستر سۋ ٷنەمدەۋ باعىتىندا جوسپارلانعان ٸس-شارالارعا توقتالدى.
«جالپى, سۋ رەسۋرستارى تۋرالى ايتاتىن بولساق, قازاقستاندا جىل سايىن 100 تەكشە شاقىرىمنان استام سۋ جينالادى. ونىڭ 54 پايىزى قازاقستان اۋماعىنان, 46 پايىزىن ترانسشەكارالىق ٶزەندەردەن الامىز. بۇل نەگٸزٸنەن وڭتٷستٸك, شىعىس جەنە باتىس ايماقتار. قازٸر بٸز 25 تەكشە شاقىرىم سۋدى پايدالانامىز, ونىڭ 65 پايىزى اۋىل شارۋاشىلىعىنا, 25 پايىزى ٶنەركەسٸپكە جەنە 5 پايىزدان سەل استامى كوممۋنالدىق-تۇرمىستىق سالاعا باعىتتالادى. سۋدىڭ جەتٸسپەۋٸ مەسەلەسٸنە قاتىستى كٶپ ايتىلىپ جٷر. سۋ تاپشىلىعىن بولدىرماۋ ٷشٸن مينيسترلٸك ەر وبلىسپەن بٸرلەسە جاڭا سۋ قويمالارىن سالۋ, جۇمىس ٸستەپ تۇرعان گيدروتەحنيكالىق نىسانداردى قالپىنا كەلتٸرۋ, سۋارۋ جٷيەلەرٸن جٶندەۋ, اۋىل شارۋاشىلىعىنداعى سۋ ٷنەمدەۋ تەحنولوگييالارىنىڭ ٷلەسٸن ۇلعايتۋ تۇرعىسىندا كەشەندٸ جوسپاردى ەزٸرلەدٸ. بۇل ٸس-قيمىلدار 2030 جىلعا قاراي 10 مىڭ تەكشە شاقىرىمعا دەيٸن سۋدى جيناقتاپ, ٷنەمدەۋگە مٷمكٸندٸك بەرەدٸ», - دەدٸ نۇرجان نۇرجٸگٸتوۆ.
