قر دەنساۋلىق ساقتاۋ مينيسترٸ ەلجان بٸرتانوۆ ەلوردادا ماسا شاققاننان كەيٸن اۋرۋحاناعا جٷگٸنٸپ, اجال قۇشقان ەيەلدٸڭ ٶلٸمٸنە قاتىستى پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«بٸرٸنشٸ قالالىق اۋرۋحانادا كٶز جۇمعان ەيەلگە قاتىستى ايتارىم - بۇل جاعداي مەنٸڭ باقىلاۋىمدا. قازٸرگٸ تاڭدا ناقتى بٸر مينۋتتىڭ, تٸپتٸ بٸر سەكۋندتىڭ ٸشٸندە نە بولعانىنا دەيٸنگٸ اقپارات قولىمىزدا بار. بٷگٸنگٸ كٷنٸ «انافيلاكتيكالىق شوك» دەگەن الدىن الا دياگنوز قويىلىپ وتىر. بٸزدٸڭ بولجاۋىمىزشا, جالپى اللەرگييالىق رەاكتسييانىڭ اياسىندا بارلىق دەرٸ-دەرمەكتەر تولىعىمەن حاتتامالىق دياگنوستيكا مەن ەمدەۋ, ستاندارت بويىنشا قولدانىلعان, الايدا وسى كەزدە كٷردەلەلٸك پايدا بولعان», - دەدٸ مينيستر ٷكٸمەت وتىرىسىنان كەيٸن تٸلشٸلەردٸڭ سۇراعىنا جاۋاپ بەرە وتىرىپ.
ول ٶز سٶزٸندە ٸستٸڭ بارلىق مەن-جايىن زەرتتەۋ قۇقىق قورعاۋ ورگاندارى قىزمەتكەرلەرٸمەن جٷرگٸزٸلەتٸنٸن اتاپ ٶتتٸ.
«قۇقىق قورعاۋ ورگاندارىنا حابار بەرٸلدٸ. ولار بارلىق دەرٸ-دەرمەكتەردٸ تەركٸلەدٸ, سوندىقتان بۇل بٸراز ۋاقىتتى الادى. سەبەبٸ, توكسيكولوگييالىق ساراپتاما جٷرگٸزٸلەدٸ. ونىڭ قورىتىندىسى بويىنشا نە بولعانىن بٸز مٸندەتتٸ تٷردە حابارلايتىن بولامىز», - دەدٸ ۆەدومستۆو باسشىسى.
ٶز كەزەگٸندە قالالىق قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ قايتىس بولعان ەيەلگە پرەپارات قالاي بەرٸلگەنٸن ايتىپ بەردٸ.
«بۇل بٸزدٸڭ كٷندەلٸكتٸ ونداعان, جٷزدەگەن پاتسيەنتتەرگە بەرٸلٸپ جاتقان پرەپاراتتار. بٸراق, تەك ساراپتاما قورىتىندىسى عانا ٶلٸم جاعدايىنا نە سەبەپ بولعانىن انىقتاپ بەرەدٸ. پاتسيەنت اۋرۋ مەن قىشۋدى سەزٸنەتٸنٸن ايتىپ شاعىمدانعان. وسىعان بايلانىستى وعان كەتونال بەرٸلگەن», - دەيدٸ كامالجان نادىروۆ.
ەستەرٸڭٸزگە سالا كەتەيٸك, اتالعان ەيەلدٸڭ اۋرۋحانادا كٶز جۇمعانى تۋرالى ونىڭ قۇربىسى فەيسبۋكتەگٸ پاراقشاسىندا جازعان بولاتىن. ونىڭ اتاپ ٶتۋٸنشە, 28 جاستاعى ماقپال ەسپەنبەتوۆا ەلورداداعى بٸرٸنشٸ قالالىق اۋرۋحانانىڭ كٶمەگٸنە جٷگٸنگەن.
