دەنساۋلىق ساقتاۋ مينيسترٸ اجار عينييات ماڭعىستاۋ وبلىسىندا بٸر اپتاعا جۋىق جۇمىسقا شىقپاعان فەلدشەرلەر مەن جەدەل جەردەم جٷرگٸزۋشٸلەرٸنە قاتىستى جاعدايدىڭ قالاي شەشٸلگەنٸن ايتتى, - دەپ حابارلايدى Tengrinews.kz اگەنتتٸگٸ.
"وسى جىلدان باستاپ مەديتسينالىق ەمەس قىزمەتكەرلەردٸڭ جالاقىسى 20 پايىزعا ٶستٸ. 2025 جىلعا دەيٸن جىل سايىن 20 پايىزعا ارتتىرىلاتىن بولادى. ٶتكەن جىلدان باستاپ مەديتسينا قىزمەتكەرلەرٸنٸڭ جالاقىسى ٶستٸ, بيىل دەنساۋلىق ساقتاۋ جٷيەسٸندەگٸ مەديتسينالىق ەمەس قىزمەتكەرلەردٸڭ جالاقىسى كٶتەرٸلدٸ. بٸزدە دەرٸگەرلەردٸڭ ورتاشا جالاقىسى - 350 مىڭ تەڭگە, ورتا مەديتسينالىق قىزمەتكەرلەردٸڭ جالاقىسى - 230 مىڭ بولسا, جٷرگٸزۋشٸلەر 100 مىڭ الادى. بٸز بٸرتٸندەپ كٶتەرەتٸن بولامىز", - دەدٸ عينييات.
بٸراق ول نارازىلىققا شىققان جٷرگٸزۋشٸلەردٸڭ جالاقىسىن دەرٸگەرلەر دەڭگەيٸنە دەيٸن, ياعني 350 مىڭ تەڭگەگە دەيٸن كٶتەرۋدٸ تالاپ ەتكەنٸن تٷسٸندٸردٸ.
"بۇل مٷمكٸن ەمەس. دەنساۋلىق ساقتاۋ جٷيەسٸندەگٸ جالاقى وسىنداي. كەز كەلگەن مامان جۇمىسقا قابىلدانعان كەزدە, جالاقى شارتتا كەلٸسٸلەدٸ. ولار وسى اقىعا كەلٸسٸممەن جۇمىسقا ورنالاستى. بٷگٸنگٸ كٷنٸ وقيعا اياقتالدى, تٷسٸندٸرۋ جۇمىستارى جٷرگٸزٸلٸپ جاتىر. ولار جۇمىسقا شىقتى", - دەدٸ مينيستر.
