© Sputnik / ۆلاديسلاۆ ۆودنەۆ
تٶتەنشە جاعدايلار مينيسترٸ يۋريي يلين بٷگٸن لەنين شاحتاسىندا بولعان اپاتتىڭ حرونولوگيياسىن جارييالادى, دەپ حابارلايدى Sputnik قازاقستان.
تٷنگٸ ساعات 02:55-تە كەنشٸلەردٸڭ ٶزدەرٸ قوڭىراۋ شالىپ, جەردٸڭ استىندا 746 مەتر تەرەڭدٸكتە مەتان جارىلعانىن ايتتى. قازٸرگٸ بولجامعا سەيكەس, باس كەزٸندە ٶرت شىقپاعان. كونتسەنتراتسيياسى 5 پروتسەنت بولعان. ارتىنان گاز تۇتانىپ كەتكەن. شاحتادا ديسپەتچەر بٸردەن اپاتتىق جاعدايدى جويۋ جوسپارىن ەنگٸزگەن.
"جەر استىندا جالپى 106 كەنشٸ بولعان. تٶرت ادام اۋرۋحاناعا جاتقىزىلدى. قازٸرگٸ كەزدە ولاردىڭ جاعدايى تۇراقتى, ەشكٸم جانساقتاۋ بٶلٸمٸندە جاتقان جوق", - دەدٸ يلين ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە.
قۇتقارۋشىلار تاڭعى ساعات 05:40-تا ٷش كەنشٸنٸڭ دەنەسٸن تاپتى. 06:40-تا تٶرتٸنشٸ, ال 09:09-دا بەسٸنشٸ كەنشٸ تابىلدى. قازٸرگٸ كەزدە سوت-مەديتسينالىق ساراپتاما تاعايىندالدى. ماماندار كەنشٸلەردٸڭ نەدەن قايتىس بولعانىن انىقتايدى.
"كەنشٸلەر 746 مەتر تەرەڭدٸكتە جاتقان كٶمٸر قاباتىن دايىنداپ جٷرگەن. وندايدا قىرتىستىڭ استىنداعى توپىراق الىنادى دا, ودان كەيٸن ونى بۇرعىلاپ, گازىن شىعارادى. كٶمٸر قىرتىسىندا بولاتىن مەتاندى ەكٸ ايداي شىعارادى. سودان كەيٸن عانا كٶمٸر ٶندٸرۋ جۇمىسى باستالادى", - دەپ تٷسٸندٸردٸ يلين.
قازٸرگٸ كەزدە ارنايى كوميسسييا قۇرىلدى. وعان مينيستردٸڭ ٶزٸ جەتەكشٸلٸك ەتەدٸ. ماماندار اپاتتىڭ سەبەبٸن جەنە مەن-جايىن انىقتايدى.
