دەنساۋلىق ساقتاۋ مينيسترٸ ەلجان بٸرتانوۆ دەرٸگەرلەر قاراعاندىلىق قورىقشىنى قۇتقارۋ ٷشٸن بار كٷشٸن سالعانىن مەلٸمدەدٸ, دەپ حابارلايدى Sputnik قازاقستان تٸلشٸسٸ.
جۋرناليستەر مينيستردەن قايعىلى وقيعا بولعان كٷنٸ تٸكۇشاق جٸبەرۋ شىنىمەن مٷمكٸن بولمادى ما دەپ سۇرادى.
"بٷگٸنگٸ تەحنيكالىق مٷمكٸندٸكتەرگە قاراعاندا, تٷندە جەنە اۋا رايىنا قاراي ۇشۋعا بايلانىستى قيىندىقتار بولادى. ەڭ الدىمەن, قاۋٸپسٸزدٸك مەسەلەسٸ. ٶكٸنٸشكە قاراي, ٶزٸمٸزدٸڭ تاريحىمىزدا تٸكۇشاق جٸبەرٸپ, دەرٸگەرلەر مەن ناۋقاستان ايىرىلىپ قالعان قايعىلى جاعداي بار", — دەدٸ ول كۋلۋاردا.
بٸرتانوۆ مۇنداي جاعدايدا جەرگٸلٸكتٸ جەدەل جەردەم ستانسالارى تارتىلاتىنىن اتاپ ٶتتٸ.
"ناۋقاستاردى اۋداندىق اۋرۋحانادا كٷتكەن ەدٸك. بريگادا حابار بەرٸلدٸ. الايدا ولار تٸكەلەي قالاعا جٷرٸپ كەتۋدٸ جٶن كٶرگەن. تيٸسٸنشە, ۋاقىت جوعالتىپ الدى. بٸز قالادان كٶلٸك جٸبەرٸپ, قالاعا كٸرەر جولدا كٷتٸپ الدىق", — دەپ تٷسٸندٸردٸ مينيستر.
وسى كەزدە باق ٶكٸلدەرٸ بٸرتانوۆتان دەرٸگەرلەر قانشا ۋاقىت جوعالتقانىن سۇرادى.
"مەنٸڭشە, وسىنشا ساعات جوعالتتىق دەپ ايتۋعا بولمايدى. قايعىلى وقيعا ايدالادا بولعاننان كەيٸن, تٸكەلەي جەتكٸزۋگە تەحنيكالىق مٷمكٸندٸك بولعان جوق", — دەدٸ ول.
ال رەانيموبيل جٸبەرسەك, ودان دا كٶپ ۋاقىت ٶتەر ەدٸ دەيدٸ ول.
"مۇنداي جاعدايدا ۋاقىت جوعالتپاس ٷشٸن ٶز كٷشٸمەن جەتكٸزە باستاعانى دۇرىس بولعان شىعار. ونىڭ ٷستٸنە, وقيعا ايدالادا بولدى. بٸزدە دالادا اۋرۋحانا جوق, اۋداندىق اۋرۋحانالار بار", — دەدٸ بٸرتانوۆ.
مينيستر ناۋقاستىڭ جاراقاتى اۋىر بولعانىن, دەرٸگەرلەر قۇتقارۋعا بار كٷشٸن سالعانىن ايتتى.
"بارلىق قىزمەت قولدارىنان كەلگەنٸن ايانىپ قالمادى. بٸز بارلىق مٷمكٸندٸكتٸ پايدالانىپ, ناۋقاستى قۇتقارۋعا كٷش سالدىق. ٶكٸنٸشكە قاراي, پاتسيەنت كٶز جۇمدى", — دەپ تٷيٸندەدٸ ۆەدومستۆو باسشىسى.
ەسكە سالا كەتسەك, 13 قاڭتاردا قاراعاندى وبلىسى اۋماعىندا ينسپەكتورلارعا براكونەرلەر شابۋىل جاسادى. ينسپەكتورلار كٷدٸك تۋعىزعان اۆتوكٶلٸك پەن قۇجاتتاردى تەكسەرگەلٸ جاتقاندا, براكونەرلەر قارسىلىق كٶرسەتكەن. سالدارىنان "وحوتزووپرومنىڭ" ەكٸ ينسپەكتورى اۋىر جاراقاتتانىپ, بٸرٸ ەلوردالىق اۋرۋحانادا كٶز جۇمدى. كەشە قىلمىسقا قاتىسى بار ٷش ەر ادام ۇستالدى.
