قر پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ قازاقستاندىق دەلەگاتسييانىڭ تاياۋداعى اۋعانستانعا ساپارىنا قاتىستى تٷسٸنٸكتەمە بەردٸ, دەپ حابارلايدى قازاقپارات.
«دەلەگاتسييا اۋعانستانعا گۋمانيتارلىق كٶمەك كٶرسەتۋ جٶنٸندەگٸ ارناۋلى ميسسييامەن باردى. حالىقارالىق قوعامداستىقتا اۋعانستاندى ەكونوميكالىق كوللاپسكا, گۋمانيتارلىق داعدارىسقا تٷسٸرۋگە بولمايدى دەلٸنگەن ورتاق تٷسٸنٸك بار. ٶيتكەنٸ, مۇنىڭ ناقتى تەۋەكەلدەرٸ مەن سىن-قاتەرلەرٸ بار. ەڭ الدىمەن بۇل ەسٸرتكٸ تاسىمالىنىڭ, دٸن ەكسترەميزمنٸڭ ارتۋىنا, سونىمەن قاتار بوسقىنداردىڭ كٶبەيۋٸنە الىپ كەلەدٸ. بٸرٸنشٸدەن – گۋمانيتارلىق كٶمەك كٶرسەتۋ, ەكٸنشٸدەن – جاڭا ەكونوميكالىق بايلانىستار ورناتۋ. اۋعانستان ەكونوميكاسىنىڭ كٷيرەۋٸنە جول بەرمەۋ ٷشٸن مٷمكٸندٸك ۇسىنۋ قاجەت», - دەدٸ مۇحتار تٸلەۋبەردٸ ٷكٸمەت وتىرىسىنان كەيٸن باق ٶكٸلدەرٸنە بەرگەن سۇحباتىندا.
مينيستر «تاليبان» قوزعالىسىن (قازاقستاندا تىيىم سالىنعان) حالىقارالىق قوعامداستىق مويىنداعاماندىعىن اتاپ ٶتتٸ. ال ونى حالىقارالىق قوعامداستىق مويىنداۋى ٷشٸن بۇۇ قاۋٸپسٸزدٸك كەڭەسٸنٸڭ قارارى قاجەت.
«بارلىعى دا ەكونوميكالىق داعدارىستىڭ ورىن الۋى مٷمكٸن ەكەندٸگٸن تٷسٸنەدٸ. سەبەبٸ اۋعان ٷكٸمەتٸنٸڭ حالىقارالىق ەسەپشوتى بۇعاتتالعان. ەگەر ەكونوميكالىق كوللاپس بولسا, وندا بۇل تەرەڭ گۋمانيتارلىق باعدارىسقا الىپ كەلەدٸ. ال ونىڭ بەلگٸلٸ بٸر تەۋەكەلدەرٸ, سىن-قاتەرلەرٸ بار. ەڭ الدىمەن دٸني ەكسترەميزمدٸڭ باس كٶتەرۋٸمەن, ەسٸرتكٸ تاسىمالىنىڭ جەنە بوسقىندار لەگٸنٸڭ ارتۋىمەن بايلانىستى. وعان جول بەرمەۋ ٷشٸن بٷكٸل حالىقارالىق قوعامداستىق اۋعان حالقىنا گۋمانيتارلىق كٶمەك كٶرسەتۋگە ٷندەپ جاتىر», - دەدٸ ول.
وسى رەتتە ول قازاقستان اۋعان حالقىنا گۋمانيتارلىق كٶمەك رەتٸندە 5 مىڭ توننا ۇن جٸبەرۋ شەشٸمٸن قابىلداعاندىعىن ەسكە سالىپ ٶتتٸ.
«بۇل ەلمەن ساۋدا-ەكونوميكالىق بايلانىستاردى دا قالىپىنا كەلتٸرۋ قاجەت ەكەندٸگٸ سٶزسٸز. قازٸرگٸ ۋاقىتتا بۇل ەلمەن ساياسي كەلٸسسٶزدەر ٶتكٸزۋ تۋرالى سٶز قوزعالىپ وتىرعان جوق. سٶز اۋعان حالقىنا كٶمەك كٶرسەتۋ جايىندا عانا بولىپ تۇر», - دەدٸ مۇحتار تٸلەۋبەردٸ.
