فوتو: gov.kz
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ينتەرنەتتٸڭ ساپاسى نەگە تٶمەندەپ كەتكەنٸن ايتتى, دەپ حابارلايدى Sputnik قازاقستان.
مەجٸلٸستە ٶتٸپ جاتقان ٷكٸمەت ساعاتىندا تسيفرلىق دامۋ مينيسترٸ سوڭعى كەزدە ينتەرنەت ساپاسى ناشارلاپ كەتكەنٸن مويىندادى. وسى ورايدا مۋسين ونىڭ سەبەپتەرٸنە توقتالدى.
"ينتەرنەت ساپاسى نەگە تٶمەن دەگەن شاعىمدار كٶپ, ونى بٸز مويىندايمىز! بٸراق كەيبٸر فاكتورلارعا توقتالساق. ٶزدەرٸڭٸز بٸلەتٸندەي, قازٸرگٸ ۋاقىتتا تسيفرلىق ەكونوميكا, ويىن-ساۋىق كونتەنتٸ ٶستٸ. مىسالى TikTok, YouTube, ودان دا باسقا قوسىمشالار بار, ولار تولىعىمەن قولدانىلۋدا. كٶرٸپ تۇرساڭىز, كٷندەلٸكتٸ ٶمٸردە تاكسيستەر دە باعدارشامدا تۇرعاندا تەلەفونعا قاراپ, ۆيدەو كٶرەدٸ. بيزنەستٸڭ ۆيرتۋالدى قارىم-قاتىناسقا شىعۋى, ياعني ەكونوميكالىق ٸس-ەرەكەتتٸڭ پلاتفورمالىق مودەلگە ٶتۋٸنە وراي ينتەرنەت تراففيكتٸ پايدالانۋ قارقىنى ەدەۋٸر ٶسۋدە", - دەپ تٷسٸندٸردٸ ول.
ايتۋىنشا, پاندەمييا كەزٸنەن باستاپ بۇل كٶرسەتكٸش 800 پەتابايتقا جەتكەن. حالىقارالىق تەلەكوممۋنيكاتسييا وداعىنىڭ (ITU) مەلٸمەتٸنشە, بىلتىر بٷكٸل ەلەم بويىنشا ينتەرنەتتٸ پايدالاناتىن ادامدار سانى 4,9 ميللياردتان استى. ال دەل وسى ۋاقىتتا ەلٸمٸزدە ينتەرنەت پايدالانۋشىلاردىڭ سانى 90,9 پايىزدى قۇرايدى.
"ينتەرنەت قولدانۋشىلار سانى عانا ەمەس, سونىمەن بٸرگە ولاردىڭ ينتەرنەتتە ٶتكٸزەتٸن ۋاقىتى دا ٶسۋدە. اتالعان فاكتورلار بايلانىس ينفراقۇرىلىمىنا تٷسەتٸن سالماقتىڭ ارتۋىنا باستى سەبەپ", - دەدٸ مۋسين.
بۇل رەتتە مينيسترلٸك بازالىق ستانتسييالاردى كٶبەيتۋ جۇمىسىن جٷرگٸزٸپ جاتىر. مينيستردٸڭ ايتۋىنشا, ينتەرنەت ساپاسىنىڭ ناشارلاۋىنا راديوفوبييا دا سەبەپ بولىپ وتىر.
"بٷكٸل ەلەمدە ۇيالى بايلانىستىڭ دامۋىنا بۇرىننان كەدەرگٸ بولعان راديوفوبييا پروبلەماسى بار. بٸزدٸڭ مەملەكەتتە دە وسىنداي توپتار بازالىق ستانتسييالاردى دەمونتاجداۋ سالدارىنان بايلانىس ساپاسىنىڭ كٷرت تٶمەندەۋٸنە سەبەپ بولادى. ياعني, بۇل مەسەلەنٸ تٷبەگەيلٸ شەشپەي, بايلانىس ساپاسىن جاقسارتۋ مٷمكٸن ەمەس", - دەدٸ مۋسين.
ول دەمونتاج سالدارىنان ينتەرنەت ترافيگٸ ازاياتىنىن, بۇعان قوسا تۇرعىندار ينتەرنەت ترافيگٸن كٷشەيتۋ قۇرالدارىن قوساتىنىن اتاپ ٶتتٸ. ال بۇل ٶز كەزەگٸندە باسقا ٷيلەردە تۇرعان بازالىق ستانتسييالارعا اۋرتپاشىلىق تٷسٸرەدٸ.
