تٶتەنشە جاعدايلار مينيسترٸ يۋريي يلين قانشا جالاقى الاتىنىن ايتتى, - دەپ حابارلايدى Tengrinews.kz.
"جەلٸدە ٶرت سٶندٸرۋشٸلەردٸڭ جالاقىسى 140 مىڭ تەڭگە ەكەنٸ ايتىلدى. وسىنداي جالاقىنى دۇرىس دەپ سانايسىز با, ٶزٸڭٸز قانشا الاتىنىڭىزدى ايتا الاسىز با?", - دەپ سۇرادى جۋرناليست وكق بريفينگٸندە.
"تاعى دا ايتا كەتەيٸن, جالاقىم ميلليون تەڭگەگە جاقىن. بۇل جالاقىنى كەز كەلگەن مينيسترگە بەرەتٸنٸ سەكٸلدٸ ٷكٸمەت بەلگٸلەيدٸ. قىزمەتكەرلەرگە كەلەتٸن بولساق, يە, شىنىمەن دە, جالاقى تٶمەن. بٸراق كەيٸنگٸ جىلدارى جٷرگٸزٸلگەن جۇمىستاردى ەسكەرە وتىرىپ, 2023 جىلى تجم عانا ەمەس, قۇقىق قورعاۋ جٷيەسٸ, قورعانىس مينيسترلٸگٸ, ٸٸم قىزمەتكەرلەرٸنٸڭ جالاقىسى ۇقك قىزمەتكەرلەرٸ جالاقىسىنىڭ 80 پايىزىنا تەڭەستٸرٸلەدٸ", - دەپ تٷسٸندٸردٸ تج مينيسترٸ.
تجم باسپاسٶز قىزمەتٸنٸڭ مەلٸمەتٸنشە, ازاماتتىق قورعاۋ ورگاندارىنىڭ كادرلىق ەلەۋەتٸن نىعايتۋ ٷشٸن قىزمەتكەرلەردٸڭ جالاقىلارىن كەزەڭ-كەزەڭٸمەن ارتتىرۋ كٶزدەلگەن. كەلەسٸ جىلى قىزمەتكەرلەردٸڭ جالاقىسى 29 پايىزعا ٶسەدٸ دەپ جوسپارلانىپ وتىر.
"ناقتى قاراساق, ٶرت سٶندٸرۋشٸ ەكٸ تەۋلٸك نەمەسە ٷش تەۋلٸك كەزەكشٸلٸكتە بولادى. مينيستر 24 ساعات قىزمەت اتقارادى. مينيستردٸڭ جاۋاپكەرشٸلٸگٸ ٶرت سٶندٸرۋشٸدەن كەم ەمەس", - دەدٸ يۋريي يلين.
