Tótenshe jaǵdailar ministri Iýrii Ilin qansha jalaqy alatynyn aitty, - dep habarlaidy Tengrinews.kz.
"Jelide órt sóndirýshilerdiń jalaqysy 140 myń teńge ekeni aityldy. Osyndai jalaqyny durys dep sanaisyz ba, ózińiz qansha alatynyńyzdy aita alasyz ba?", - dep surady jýrnalist OKQ brifinginde.
"Taǵy da aita keteiin, jalaqym million teńgege jaqyn. Bul jalaqyny kez kelgen ministrge beretini sekildi Úkimet belgileidi. Qyzmetkerlerge keletin bolsaq, iá, shynymen de, jalaqy tómen. Biraq keiingi jyldary júrgizilgen jumystardy eskere otyryp, 2023 jyly TJM ǵana emes, quqyq qorǵaý júiesi, Qorǵanys ministrligi, IIM qyzmetkerleriniń jalaqysy UQK qyzmetkerleri jalaqysynyń 80 paiyzyna teńestiriledi", - dep túsindirdi TJ ministri.
TJM baspasóz qyzmetiniń málimetinshe, azamattyq qorǵaý organdarynyń kadrlyq áleýetin nyǵaitý úshin qyzmetkerlerdiń jalaqylaryn kezeń-kezeńimen arttyrý kózdelgen. Kelesi jyly qyzmetkerlerdiń jalaqysy 29 paiyzǵa ósedi dep josparlanyp otyr.
"Naqty qarasaq, órt sóndirýshi eki táýlik nemese úsh táýlik kezekshilikte bolady. Ministr 24 saǵat qyzmet atqarady. Ministrdiń jaýapkershiligi órt sóndirýshiden kem emes", - dedi Iýrii Ilin.
