بٷگٸن ورتالىق كوممۋنيكاتسييالار قىزمەتٸندە ٶتكەن باسپاسٶز مەجٸلٸسٸندە قر دٸن ٸستەرٸ جەنە ازاماتتىق قوعام مينيسترٸ نۇرلان ەرمەكباەۆ سوڭعى جىلدارى ەلٸمٸزدە جيٸ قولدانىپ جٷرگەن «يفتار», «ماشاللاح» سەكٸلدٸ اراب تٸلٸندەگٸ سٶزدەردٸ قولدانباۋعا كەڭەس بەردٸ, دەپ حابارلايدى ۇلت.كز تٸلشٸسٸ Baq.kz پورتالىنا سٸلتەمە جاساپ.
«قازاق تٸلٸ ٶتە باي. سوندىقتان كٸرمە سٶزدەرگە قولدانباۋعا تىرىسايىق. بٷگٸنگٸ تاڭدا كەيبٸر ازاماتتار كٸرمە سٶزدەردٸ قولدانۋعا قۇمار. وعان مىسال رەتٸندە «يفتار», «ماشاللاح» سٶزدەرٸن» ايتۋعا بولادى. ەيتپەسە, «يفتاردى» قازاق حالقى وسى ۋاقىتقا دەيٸن اۋىز اشار, «ماشاللانى» قۇداي قالاسا دەپ ايتىپ كەلدٸ عوي. سوندىقتان تەرٸس اعىمدارعا تويتارىس بەرۋ ٷشٸن بٸز ٶز رۋحاني قۇندىلىعىمىزدى ساقتاپ قالۋىمىز كەرەك. سول كەزدە جاستارىمىز جات اعىمدارعا ەرمەيتٸن بولادى», – دەيدٸ ن.ەرمەكباەۆ.
ونىڭ ايتۋىنشا, تەرٸس راديكالدى يدەولوگيياعا قازاق دەستٷرٸمٸزبەن عانا تويتارىس بەرە الامىز. ايتا كەتەيٸك, سوڭعى جىلدارى سەرەسٸن- سۋھۋ, اۋىزاشاردى-يفتار دەپ ايتۋ بەلەڭ الىپ كەتكەن بولاتىن.
