بٷگٸن قازاقستان رەسپۋبليكاسىنىڭ مەدەنيەت جەنە سپورت مينيسترٸ اقتوتى رايىمقۇلوۆا سەربييا استاناسى بەلگرادتا ٶتكەن بوكستان ەرلەر اراسىنداعى XXI ەلەم چەمپيوناتىنىڭ جەڭٸمپازدارىن, جٷلدەگەرلەرٸن جەنە قازاقستان قۇراماسىنىڭ باپكەرلەرٸن قابىلدادى, دەپ حابارلايدى "ۇلت اقپارات".
مينيستر ٶز سٶزٸندە سەربيياداعى چەمپيوناتتا قازاقستان قۇراماسى قول جەتكٸزگەن بٸرنەشە ەلەۋلٸ وقيعانى اتاپ ٶتتٸ.
«قازاقستان ەگەمەن ەل رەتٸندە 1993 جىلدان بەرٸ بوكستان ەلەم چەمپيوناتتارىنا ٷزدٸكسٸز قاتىسىپ كەلەدٸ. وسى ارالىقتاعى 15 ەلەم چەمپيوناتىندا بٸزدٸڭ بىلعارى قولعاپ شەبەرلەرٸ 51 مەدالدٸ قورجىنعا سالدى. ونىڭ 14-ٸ التىن, 15-ٸ كٷمٸس, 22-سٸ قولا. وسى بەسەكەدە بٸز بارلىق جٷلدە سانى بويىنشا اقش-تان وزىپ, جالپى ەسەپتە كۋبا مەن رەسەيدەن كەيٸن ٷشٸنشٸ ورىنعا كٶتەرٸلٸپ وتىرمىز. بۇل بٸزدٸڭ بوكستان ەلەمدەگٸ جەتەكشٸ مەملەكەتتٸڭ بٸرٸ ەكەنٸمٸزدٸ كٶرسەتەدٸ. الداعى ۋاقىتتا دا تىنىمسىز ەڭبەكتٸڭ ارقاسىندا سپورتشىلارىمىز وسى قارقىنىمەن جٷلدە قورىن مولايتا بەرەدٸ دەپ سەنەمٸن. سٸزدەر ٷشٸن كەلەسٸ مەجەنٸڭ بٸرٸ – تاشكەنتتە ٶتەتٸن ەلەم چەمپيوناتى بولماق»,-دەدٸ مينيستر.
سونىمەن قاتار اقتوتى رايىمقۇلوۆا بارلىق بوكسشىمىز شارشى الاڭدا بارىن سالىپ جۇدىرىقتاسقانىن, جارقىن جەكپە-جەكتەرٸمەن قالىڭ جانكٷيەردٸڭ جوعارى باعاسىن العانىن جەتكٸزدٸ.
«سٸزدەر وسى دٷبٸرلٸ دودادا جوعارى شەبەرلٸكتەرٸڭٸزدٸ پاش ەتتٸڭٸزدەر. ەر جەكپە-جەكتە جەڭٸسكە دەگەن زور قۇشتارلىق تانىتتىڭىزدار. مۇنى سٸزدەرگە قىزۋ قولداۋ كٶرسەتكەن جانكٷيەرلەر سەزەدٸ. ەربٸر ٷلكەن جەڭٸستٸڭ ارتىندا سپورتشىنىڭ تاباندىلىعىمەن قاتار باپكەردٸڭ قاجىرلى ەڭبەگٸ تۇرادى. وسى تۇستا بٸزدٸڭ باپكەرلەر قوسىنىنا ەرەكشە العىس ايتقىم كەلەدٸ. لايىم شەكٸرتتەرٸڭٸز سەنٸم ٷدەسٸنەن شىعىپ, ٷمٸتتەرٸڭٸزدٸ اقتاسىن»,-دەپ ايتتى مينيستر.
كەزدەسۋ بارىسىندا ۇلتتىق قۇرامانىڭ كاپيتانى ابىلايحان جٷسٸپوۆ سٶز الىپ, چەمپيوناتقا تىڭعىلىقتى دايىندالۋ ٷشٸن جاعداي جاساعانى ٷشٸن مينيسترلٸككە, فەدەراتسيياعا قۇراما اتىنان راقمەت ايتتى.
وسىدان كەيٸن مەدەنيەت جەنە سپورت مينيسترٸ ەلەم چەمپيوناتىنىڭ جەڭٸمپازدارى مەن جٷلدەگەرلەرٸنە سپورتتىق اتاقتاردى, رازريادتاردى جەنە بٸلٸكتٸلٸك ساناتتارىن بەرۋ نورمالارى مەن تالاپتارىنا سەيكەس, قازاقستان رەسپۋبليكاسىنىڭ ەڭبەك سٸڭٸرگەن جاتتىقتىرۋشىسى جەنە قازاقستان رەسپۋبليكاسىنىڭ ەڭبەك سٸڭٸرگەن سپورتشىسى اتاعىن ورىنداعان باپكەرلەر مەن بوكسشىلاردى ماراپاتتادى.
ايتا كەتەيٸك, ەكٸ جىلدا بٸر ٶتەتٸن بوكستان ەلەم چەمپيوناتى 26 قازان مەن 6 قاراشا ارالىعىندا بەلگراد قالاسىندا ٶتتٸ. اتالعان چەمپيوناتقا ەلەمنٸڭ 105 مەملەكەتٸنەن 650 سپورتشى قاتىستى. قازاقستان قۇراماسى ساپىنان 13 سپورتشى اتتانىپ, قۇراما 2 التىن, 2 كٷمٸس, 1 قولا مەدال جەڭٸپ الدى. وسىلايشا, جالپى كوماندالىق ەسەپتە ەكٸنشٸ ورىنعا تۇراقتادى.
