قر ەنەرگەتيكا مينيسترٸ ماعزۇم مىرزاعاليەۆ ەلدە بەنزين باعاسىنىڭ كٶتەرٸلۋٸنە ەشقاندا نەگٸز جوقتىعىن مەلٸم ەتتٸ, دەپ حابارلايدى قازاقپارات.
«بەنزينگە كەلەتٸن بولساق, كەشە بەنزيننٸڭ قىمباتتاعانى تۋرالى اقپارات تارادى. مەن سوڭعى ٷش جىلداعى ستاتيستيكانى زەرتتەدٸم. سوڭعى ٷش جىلدا, ياعني, 2018 جىلدان باستاپ 2021 جىلعا دەيٸن اي-92 ماركالى بەنزيننٸڭ باعاسى 163-تەن 177-178 تەڭگەگە دەيٸن ٶسكەن. ٷش جىل ٸشٸندە 15 تەڭگەگە قىمباتتاعان دەگەن سٶز. بۇل, ەرينە, شامالى عانا ٶسۋ. دەگەنمەن كەشەگٸ مەلٸمەت بٸزدٸ الاڭداتتى. سەبەبٸ بٸز قازٸر بەنزين باعاسىنىڭ ٶسۋٸنە نەگٸز جوق دەپ ەسەپتەمٸز. سەبەبٸ بەنزين قاجەتتٸ مٶلشەردە ٶندٸرٸلٸپ, جٶنەلتٸلٸپ جاتىر. بەنزينگە قاتىستى جاعداي, ەرينە, بٷگٸندە تۇراقتى», - دەدٸ ٷكٸمەت وتىرىسىنان كەيٸن جۋرناليستەردٸڭ سۇراقتارىنا جاۋاپ بەرگەن ماعزۇم مىرزاعاليەۆ.
سونداي-اق مينيستر اۆياكەروسين تاپشىلىعى تۋرالى سۇراققا جاۋاپ بەردٸ.
«ەلٸمٸزدە اۆياكەروسين كٶلەمٸ بويىنشا جاعداي ايتارلىقتاي تۇراقتى. بٸزدە ونىڭ قورى 37 مىڭ توننادان اسادى. اي سايىن 50 مىڭ توننا تۇتىنساق, شامامەن 46 مىڭ توننا اۆياكەروسين شىعارۋدى جوسپارلاپ وتىرمىز. سوندىقتان قامتاماسىز ەتۋگە بايلانىستى ەشقانداي مەسەلە تۋىنداماۋعا تيٸس», - دەدٸ مينيستر.
ونىڭ ايتۋىنا قاراعاندا, ەلدٸڭ جانارماي نارىعىنداعى جاعداي تۇراقتانا باستاعان.
«وتىن داعدارىسى جاز ايلارىندا باستالدى. مۇناي بازالارىندا ديزەلدٸڭ قورى ٶتە كٷرت كەمي باستاعان بولاتىن. بٸرٸنشٸ قادام رەسەي ەنەرگەتيكا مينيسترلٸگٸنٸڭ كەزدەسۋٸن ۇيىمداستىرۋ بولدى ( ... ) رەسەي ەنەرگەتيكا مينيسترٸ وعان ٷن قاتىپ, بٸر جارىم ايدىڭ ٸشٸندە بٸز ديزەل وتىنى بويىنشا جاعدايدى تۇراقتاندىرا الدىق», - دەپ ەسكە الدى ۆەدومستۆو باسشىسى.
ماعزۇم مىرزاعاليەۆ ەلگە سىرتتان شامامەن 190-200 مىڭ توننا ديزەل ەكەلٸنگەنٸن اتادى.
«بۇل - جاعدايدى تۇراقتاندىرۋ ٷشٸن جەتكٸلٸكتٸ كٶلەم. ەرينە, باعا مەسەلەسٸ ٶتە ٶزەكتٸ. ٶيتكەنٸ, بٸز مۇناي باعاسىنىڭ ٶسكەنٸن بايقاپ وتىرمىز. تيٸسٸنشە, رەسەي زاۋىتتارىندا جانار-جاعارماي باعاسى ايتارلىقتاي كٶتەرٸلٸپ, بٸز قىمبات ديزەل يمپورتتاۋعا مەجبٷر بولدىق. ەڭ باستىسى, جاعدايدى تۇراقتاندىرۋعا مٷمكٸندٸك الدىق», - دەدٸ ەنەرگەتيكا مينيسترٸ.
