قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ اسقار جۇماعاليەۆ «بەيتەرەك» عارىش كەشەنٸندە قانداي تاسىمالداعىش زىمىراندار پايدالانىلاتىنىن ايتتى, دەپ حابارلايدى "ۇلت اقپارات".
«حاتتامانىڭ بٸرٸنشٸ بابىندا «بەيتەرەك» كەشەنٸ ەكولوگييالىق قاۋٸپسٸزدٸك دەڭگەيٸ جوعارى تاسىمالداعىش زىمىرانداردى ۇشىرۋعا ارنالاتىنى اتاپ ٶتٸلگەن. وسىعان بايلانىستى «بەيتەرەك» كەشەنٸنەن ۇشىرۋ ٷشٸن قانداي تاسىمالداعىش زىمىراندار قولدانىلادى?», - دەپ سۇرادى دەپۋتات بەكبولات تٸلەۋحان پارلامەنت مەجٸلٸسٸنٸڭ جالپى وتىرىسىندا.
ٶز كەزەگٸندە مينيستر ا. جۇماعاليەۆ «پروتون» ەكولوگييالىق جاعىنان تيٸمسٸز ەكەنٸن, ٶيتكەنٸ بۇل تاسىمالداعىش زىمىراندا گەپتيل وتىنى پايدالانىلاتىنىن جەتكٸزدٸ.
«سويۋز-5» تاسىمالداعىشىندا گەپتيل وتىنى پايدالانىلمايدى, ياعني وندا وتتەگٸ مەن كەروسين وتىنى بولادى. وسى ورايدا ەكولوگييالىق جاعىنان ەلدەقايدا تيٸمدٸرەك. بۇل رەتتە ەكولوگييالىق تۇرعىدا مەسەلە تۋىندامايدى. سونىمەن قاتار, كوممەرتسييالىق جاعىنان «سويۋز-5» زىمىرىن تاسىمالداعىشى «پروتونمەن» سالىستىرعاندا تيٸمدٸ», - دەدٸ اسقار جۇماعاليەۆ.
بۇدان بۇرىن حابارلانعانداي, مەجٸلٸستٸڭ جالپى وتىرىسىندا «2004 جىلعى 22 جەلتوقسانداعى قر ٷكٸمەتٸ مەن رف ٷكٸمەتٸ اراسىنداعى «بايقوڭىر» عارىش ايلاعىندا «بەيتەرەك» عارىش زىمىران كەشەنٸن قۇرۋ تۋرالى كەلٸسٸمگە ٶزگەرٸستەر مەن تولىقتىرۋلار ەنگٸزۋ تۋرالى حاتتامانى راتيفيكاتسييالاۋ تۋرال» زاڭ جوباسى ماقۇلداندى.
وسى جوبادا رەسەي تاراپى «سويۋز-5» زىمىراندى, تەحنيكالىق جەنە ستارتتىق كەشەندەرٸندە باقىلاۋ-تەكسەرۋ جابدىقتارىن قۇرۋدى, سونداي-اق ٷدەمەلٸ بلوكتىڭ تەحنيكالىق كەشەنٸن, عارىش اپپاراتىن جەنە عارىشتىق باستيەك بٶلٸگٸن جاڭعىرتۋدى قامتاماسىز ەتەدٸ. وسى جۇمىستار 916 ملن اقش دوللارى سوماسىندا باعالاندى. جاڭعىرتۋ ماقساتىندا 2018 جىلى «بايقوڭىر» ايلاعىنىڭ 42,43 جەنە 45-شٸ الاڭدارىندا ورنالاسقان «زەنيت-م» كەشەنٸنٸڭ 243 نىسانى قازاقستان تاراپىنا بەرٸلدٸ. قازاقستان تاراپى «زەنيت-م» كەشەنٸنٸڭ جەرٷستٸ ينفراقۇرىلىمى نىساندارىن قايتا جاڭارتۋ مەن جاڭعىرتۋ جۇمىستارىن جٷرگٸزەدٸ.
