قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ اسقار جۇماعاليەۆ «بايقوڭىر» عارىش ايلاعى اۋماعىندا كابەل ۇرلانعاندىعىن راستادى, دەپ حابارلايدى قازاقپارات.
ايتا كەتەيٸك, مەجٸلٸستٸڭ جالپى وتىرىسىندا دەپۋتات سنەجاننا يماشەۆا «بايقوڭىر» عارىش ايلاعى اۋماعىندا ۇزىندىعى 2,5 شاقىرىم كابەل ۇرلانعاندىعى تۋرالى اقپارات تاراعانىن ايتتى. وسى ورايدا ول عارىش ايلاعى نىساندارىن قورعاۋ بويىنشا جۇمىستاردىڭ اتقارىلۋ بارىسى تۋرالى سۇرادى.
«شىن مەنٸندە مۇنداي فاكتٸ بولدى. قىلمىستىق ٸس اشىلىپ, قۇقىق قورعاۋ ورگاندارى بۇل مەسەلەنٸ قاراستىرۋدا. ونىڭ قورىتىندىسى بويىنشا تيٸستٸ شەشٸم شىعارىلادى. بٷگٸندە اتالعان نىسان بويىنشا جۇمىس ٸستەيتٸن كٷزەت كومپانيياسى كەلتٸرٸلگەن شىعىندى ٶتەيتٸنٸن مەلٸمدەدٸ», - دەدٸ ا. جۇماعاليەۆ پارلامەنت مەجٸلٸسٸنٸڭ جالپى وتىرىسىندا دەپۋتات ساۋالىنا جاۋاپ بەرە وتىرىپ.
«بارشا پەريمەتردٸ قامتيتىنداي كامەرالاردى ورناتۋ بويىنشا جۇمىس جٷرگٸزٸلۋدە. سونىمەن قاتار بارشا قورشاۋدى قالپىنا كەلتٸرۋ شارالارى اتقارىلۋدا», - دەدٸ مينيستر.
ٶز كەزەگٸندە قارجى مينيسترٸنٸڭ بٸرٸنشٸ ورىنباسارى بەرٸك شولپانقۇلوۆ «بايقوڭىردا» مٷلٸكتٸڭ ساقتالۋىنا رەسەيلٸك تاراپ جاۋاپتى ەكەنٸن, ال قازاقستاندىق «بايقوڭىر بالانس» ۇيىمى پايدالانۋ تالاپتارىنا باقىلاپ, ەسەپ-قيساپ جەنە مونيتورينگ شارالارىن جٷرگٸزەتەنٸن اتاپ ٶتتٸ.
