مەدەنيەت جەنە سپورت مينيسترٸ اقتوتى رايىمقۇلوۆا əيەلدەر اراسىندا شاحماتتان ازييا چەمپيونى اتانعان بيبٸسارا اساۋباەۆانى قۇتتىقتادى, دەپ حابارلايدى "ۇلت اقپارات".
"سٸز ەس بٸلٸپ, شاحمات تاقتاسىنا قول سوزعان تٶرت جاستان باستاپ ۇشقىر وي مەن كٶز ٸلەسپەس جىلدامدىقتى بٸرٸكتٸرگەن سپورت تٷرٸنٸڭ شەبەرٸ ەكەنٸڭٸزدٸ پاش ەتٸپ كەلەسٸز. ەر جەتٸستٸگٸڭٸز ارقىلى بايتاق وتانىمىزدىڭ جاس ٶرەندەرٸن ادامزات تاريحىنداعى ەڭ ەجەلگٸ ويىننىڭ بٸرٸمەن جاقىن تانىستىرىپ, كەڭٸنەن ناسيحاتتاپ جاتىرسىز. الداعى ۋاقىتتا دا 64 شارشى اراسىنداعى اقىل-وي ارپالىسىندا مەرەيٸڭٸز ٷستەم تٷسە بەرسٸن", - دەپ جازدى رايىمقۇلوۆا.
سونداي-اق مينيستر تالاي سىندا شىن مايتالمان رەتٸندە قازاقستاننىڭ اتىن شىعارۋعا تٸلەك بٸلدٸردٸ.
بيبٸسارا اساۋباەۆا əيەلدەر اراسىندا ازييا چەمپيونى اتاندى. بۇل تۋرالى شاحماتشى ەلەۋمەتتٸك جەلٸدەگٸ پاراقشاسىندا حابارلادى.
"قۇرمەتتٸ دوستار! بٷگٸن مەن ەيەلدەر اراسىندا ازييا چەمپيونى اتاعىن جەڭٸپ الدىم! بۇل مەنٸڭ ەيەلدەر اراسىنداعى العاشقى ماڭىزدى اتاعىم", - دەپ جازدى ول.
اساۋباەۆا 2004 جىلى تاراز قالاسىندا دٷنيەگە كەلگەن. شاحماتپەن تٶرت جاسىنان بەرٸ اينالىسىپ كەلە جاتقان ول جەتٸ جاسىندا فيدە شەبەرٸ اتاعىن العان. 2017 جىلى 14 جاسقا دەيٸنگٸ ەلەم چەمپيونى اتاندى.
ول 2016 جىلى ازاماتتىعىن ٶزگەرتٸپ, مەسكەۋ وبلىسى شاحمات فەدەراتسيياسىنىڭ مٷشەسٸ بولدى. الايدا 2017 جىلدىڭ قاراشاسىندا رەسەيلٸك جاتتىقتىرۋشى ەۆگەنيي سولوجەنكين 13 جاستاعى بيباسارانى ەلەكتروندى كٶمەك قۇرالدارىن قولداندى دەپ ايىپتادى.
سوت بيبٸسارا اساۋباەۆانىڭ ەلەكتروندى كٶمەك قۇرالدارىن پايدالانعانىن جوققا شىعارىپ, جالا جابىلدى دەگەن ٷكٸم شىعاردى.
2019 جىلدىڭ اقپانىندا شاحماتشىنىڭ قازاقستانعا ورالۋدى ۇيعارعانى حابارلاندى.
