فوتو:kk.delachieve.com
ەلەمدەگٸ ەڭ تانىمال سپورت تٷرٸنٸڭ كٶپتەگەن داڭقتى ويىنشىلارى بار, ولاردىڭ ويىنى بٷكٸل ەلەمنەن ميلليونداعان فۋتبول جانكٷيەرلەرٸن قۋانتادى. تالانتتى ويىنشىلاردىڭ كٶپتٸگٸنەن فۋتبول ەلەمٸنٸڭ ەڭ ٷزدٸك 5 فۋتبولشىسىن ايرىقشا اتاپ كٶرسەتۋ قيىن. جەرگٸلٸكتٸ جەنە شەتەلدٸك باسىلىمدار ٶزدەرٸنٸڭ رەيتينگتەرٸن قۇراستىرعان جەنە ولاردىڭ ەرقايسىسى ويىنشىلاردى جەكە جەنە كوماندالىق جەتٸستٸكتەرٸنەن باستاپ, تەحنيكالىق دەڭگەيٸنە, جانكٷيەرلەر اراسىنداعى تانىمالدىلىعىنا جەنە تاعى باسقا دا تٷرلٸ كريتەرييلەر بويىنشا باعالاعان. ULT.KZ تٸلشٸسٸ ميلليوندار ويىنىنداعى جارىق جۇلدىزداردىڭ توپ 5 تٸگٸن قۇراستىردى.5. ليونەل مەسسي
2005 جىلى جاس لەو مەسسي ٷلكەن فۋتبول ساحناسىنا شىقتى, ول ٶزٸنٸڭ كەرەمەت تالانتىن العاشقى ويىنداردان-اق كٶرسەتتٸ. الدىمەن فرانك رايكارد, كەيٸن پەپ گۆارديولانىڭ باسشىلىعىندا ارگەنتينالىق ويىنشى شەبەرلٸگٸن شىڭداپ, بٸرتە-بٸرتە ەلەمنٸڭ ەڭ ٷزدٸك فۋتبولشىسىنا اينالدى.
فوتو:prsport.net
مەسسي رونالدينو كەتكەننەن كەيٸن بارسەلونانىڭ قاھارمانىنا اينالدى. لەو ٶزٸنٸڭ ويىنىمەن بٷكٸل ەلەمدەگٸ ميلليونداعان جانكٷيەرلەردٸڭ جٷرەگٸن جاۋلاپ الا باستادى. ول كوماندادا پايدا بولعاننان كەيٸن يسپانييادا «Blaugranas» ٷستەمدٸك ەتۋگە كٶشتٸ. مەسسي كومانداعا جٷلدەلەردٸ بٸرٸنەن سوڭ بٸرٸن جەڭٸپ الۋعا كٶمەكتەستٸ, سونىمەن بٸرگە ارگەنتينالىقتاردىڭ جەكە ماراپاتتار جيناعىن تولىقتىردى. قازٸرگٸ ۋاقىتتا وڭتٷستٸك امەريكالىق شابۋىلشى 6 «التىن دوپتىڭ» يەگەرٸ بولىپ تابىلادى. ودان بٶلەك لەونىڭ 6 «التىن بۋتسى», «بارسەلونامەن» جەڭٸپ العان 34-تەن استام كلۋبتىق كۋبوكتارى جەنە 50-گە جۋىق رەكوردتارى بار.
4.كريشتيانۋ رونالدۋ
كريشتيانۋ رونالدۋ قازٸر مەسسيدٸڭ ەلەمدەگٸ ەڭ “كٷشتٸ” فۋتبولشى مەرتەبەسٸ ٷشٸن باستى بەسەكەلەسٸ. پورتۋگالييالىقتىڭ «التىن دوبى» ارگەنتينالىق لەونىڭ ماراپاتىنان 1-گە از بولعانىنا قاراماستان, ول ٶزٸنٸڭ مەسسيدەن مىقتى ەكەنٸنە سەنٸمدٸ.
«مەنٸڭ ويىمشا, مەن مەسسيدەن جاقسىمىن جەنە ەرقاشان جاقسى بولامىن», - دەدٸ رونالدۋ.
فوتو:metaratings.ru
دەگەنمەن, كريشتيانۋدىڭ بۇلاي ويلاۋىنا ەلٸ دە نەگٸز بار. ول ٶز مانسابىندا مەسسيگە قاراعاندا كٶپ گول سوققان (767 جەنە 730). پورتۋگالييانىڭ ۇلتتىق قۇراما دەڭگەيٸندەگٸ جەتٸستٸكتەرٸ ەلدەقايدا ەسەرلٸ – ول ۇلتتار كۋبوگىنىڭ جەڭٸمپازى جەنە ەۋروپا چەمپيونى.
جوعارى ورىنداردى فۋتبول تاريحىنىڭ ەڭ ٷزدٸكتەرٸ, “ولارسىز بۇل ويىندى ەلەستەتۋ قيىن” دەگەن ويىنشىلارعا بەرۋدٸ ۇيعاردىق.
فوتو:globallookpress.com
3. زينەدين زيدان
رونالدۋ مەن مەسسي - ەرينە قازٸرگٸ تاڭداعى مٸنسٸز ويىنشىلار. بٸراق زيداننىڭ مانسابىنا مۇقييات قاراساڭىز, ونىڭ چەمپيوندار ليگاسىنىڭ فينالى بولسىن, ەلەم چەمپيوناتىنىڭ فينالى بولسىن, ەرقاشان ٶز كومانداسىندا ماڭىزدى رٶلدٸ اتقارعانىن كٶرۋگە بولادى. 1998 جىلعى «التىن دوپ» يەگەرٸ «يۋۆەنتۋستا» دا, «رەال مادريدتە» دە ٶتە تابىستى مانساپقا يە بولدى.
زيزۋ 1998 جىلعى ەلەم چەمپيوناتىنىڭ فينالىنداعى ويىنىنىڭ ارقاسىندا ەلەمدەگٸ ەڭ ٷلكەن تانىمالدىققا قول جەتكٸزدٸ, وندا «ٷش تٷستٸلەر» برازيلييانى جەڭدٸ, ال جارتىلاي قورعاۋشىنىڭ ٶزٸ سول ويىندا دۋبل جاساعان. لاتىن امەريكاسىنىڭ ەڭ مىقتى كومانداسىنا 2 گول سوققان زينەدين فرانتسيياعا كٶپتەن كٷتكەن كۋبوكتى سىيلاپ, ٶزٸ ۇلتتىق قاھارمان اتاندى.
سودان كەيٸن فرانتسۋزدار 2000 جىلعى ەۋروپا فۋتبول چەمپيوناتىندا تاماشا ٶنەر كٶرسەتتٸ, ال زيدان تۋرنيردٸڭ ەڭ ٷزدٸك ويىنشىسى اتاندى.
زيدان تۋريندە «يۋۆەنتۋس» ٷشٸن بٸرنەشە ماۋسىمدى سەتتٸ وينادى, بٸراق پلەيمەيكەر ۋەفا-نى جەڭە المادى. “كەرٸ حانىممەن” كۋبوكتى جەڭە الماعان زيزۋ جاڭا شاقىرۋدى قابىلداپ, رەال مادريدكە كٶشٸپ, سول كەزدەگٸ پلانەتاداعى ەڭ قىمبات فۋتبولشى بولدى. «كورولدٸك كلۋبتا» زينەدين كٶپتەن كٷتكەن چەمپيوندار ليگاسىنىڭ كۋبوگىن جەڭٸپ الدى. 2001/02 فينالىندا «رەال مادريد» لەۆەركۋزەندٸك «بايەرمەن» ويناپ, 1:1 ەسەبٸمەن فرانتسۋز فۋتبولشىسى تۋرنير تاريحىنداعى ەڭ ەدەمٸ گولداردىڭ بٸرٸن سوقتى. روبەرتو كارلوس سول قاپتالدان ٶتٸپ كەتتٸپ زيدانعا پاس بەردٸ, ال زيدان كەرەمەت تەحنيكا مەن شەبەرلٸك كٶرسەتتٸ, دوپتى سول اياعىمەن قاقپانىڭ جوعارعى بۇرىشىنا ەدەمٸ ورنالاستىردى. سٷيٸكتٸ زينەدين زيدان 2006 جىلعى ەلەم چەمپيوناتىنىڭ يتاليياعا قارسى فينالدىق ماتچىنان كەيٸن مەنسابىن اياقتادى. فرانتسۋزدار سول فينالدا جەڭٸلٸپ قالدى, ال زيزۋدىڭ ٶزٸ قورعاۋشى ماركو ماتەراتستسيدٸ باسپەن سوققانى ٷشٸن قىزىل قاعاز الدى.
فوتو:bbc.com
2. ديەگو مارادونا
ديەگو ارماندو مارادونا ارگەنتينا قۇراماسىنىڭ 1986 جىلى مەكسيكادا ٶتكەن ەلەم چەمپيوناتىندا, انگلييا قاقپاسىنا سالعان كەرەمەت گولىمەن جانكٷيەرلەر جادىندا قالدى. بۇل گول ەلەم چەمپيوناتى تاريحىنداعى ەڭ ٷزدٸك گول دەپ تانىلدى. سونىمەن بٸرگە ديەگو ارماندو ەلەمگە «قۇدايدىڭ قولىن» كٶرسەتتٸ. مارادونا ۇلتتىق قۇراما ٷشٸن عانا ەمەس, سونىمەن قاتار بوكا حونيارس, بارسەلونا جەنە ناپولي ٷشٸن دە قايتالانباس تالانت, ٷزدٸك ويىنشى بولدى – كلۋب دەڭگەيٸندە ول 9 تروفەي جينادى. ارگەنتينالىق مانسابىن اياقتاعاننان كەيٸن قۇرمەتتٸ فۋتبولشى “التىن دوپتى” الدى جەنە فيفا نۇسقاسى بويىنشا عاسىردىڭ ٷزدٸك فۋتبولشىسى دەپ تانىلدى.
1.پەلە
پەلە – تاريحتاعى ەڭ ٷزدٸك فۋتبولشى, بۇلاي ويلاۋعا كٶپتەگەن سەبەپتەر بار. برازيلييالىق شابۋىلشى 3 رەت ەلەم چەمپيوناتىن جەڭٸپ العان (1958, 1962, 1970), بۇل بٸزدٸڭ تٸزٸمدەگٸ كەز كەلگەن ماراپاتىمەن ماقتانا الاتىن جالعىز فۋتبولشى. پەلە, مىسالى, مەسسي نەمەسە رونالدۋ سيياقتى ەستەتيكالىق تٷردە جاساماسا دا, گول سوعۋدى بٸلگەن, بٸراق «فۋتبول پاتشاسىنىڭ» مانسابىنداعى گولداردىڭ سانى ٶتە ەسەرلٸ, جانكٷيەرلەر جادىندا قالاتىن بولعان. تۋرنيرلەردە (رەسمي جەنە بەيرەسمي) سوققان بارلىق گولدارى 1200-دەن استام.
فوتو: imago sportfotodienst, globallookpress.com
پەلە ەرقاشان كلۋب ٷشٸن دە, ۇلتتىق قۇراما ٷشٸن دە نەگٸزگٸ سوققى بەرەتٸن كٷش بولدى. ول 17 جاسىندا فۋتبولدان ەلەم چەمپيوناتىندا دەبيۋت جاساپ, فينالدا شۆەدتەرگە قارسى ويىندا دۋبل جاساعان. 1962 جىلعى ەلەم چەمپيوناتىندا ەدسون ارانتيس دو ناسيمەنتو بار بولعانى 1 ماتچ ٶتكٸزگەنٸمەن (جاراقاتتارى ودان ارتىق ٶنەر كٶرسەتۋگە مٷمكٸندٸك بەرمەدٸ), 1970 جىلعى ەلەم چەمپيوناتىندا پەلە جەنە ونىڭ سەرٸكتەستەرٸ بارلىق قارسىلاستارىن جەڭٸپ شىعىپ, سول تۋرنيردە «التىن دوپتى» جەڭٸپ العان.
پەلەنٸڭ برازيلييا قۇراماسىندا 92 ماتچ ٶتكٸزٸپ, 77 گول سوققان جەتٸستٸگٸن باعالاماي كەتۋ مٷمكٸن ەمەس. قازٸرگٸ ٷزدٸكتەر رەيتينگٸنٸڭ بٸردە-بٸر ويىنشىسى ۇلتتىق قۇراما ساپىندا مۇنداي جەتٸستٸككە جەتكەن جوق. «فۋتبول پاتشاسى» كلۋب دەڭگەيٸندە دە ٶتە تابىستى بولدى, الدىمەن سانتوستا, سودان كەيٸن نيۋ-يورك كوسموستا. جالپى, تاماشا گول سوعۋشى «سانتوس» ٷشٸن رەسمي ماتچتاردا 643 گول سوققان, وعان قوسا برازيلييا چەمپيوناتىندا 6-رەت, كۋبوكتا 5 جەنە ليبەرتادورەس كۋبوگىندا تاعى 2 جەنە قۇرلىقارالىق كۋبوكتا 2-رەت جەڭٸسكە جەتتٸ. نيۋ-يورك كوسموس كومانداسىمەن پەلە بٸر عانا جٷلدەنٸ – SAFL (كەسٸبي فۋتبول ليگاسى) جەڭٸپ العار جەنە 107 ماتچتا 64 گول سوققان.
بەكبولات مۇحتار
