امەريكالىق تانىمال ميللياردەر ۋوررەن باففەت قازاقستانداعى حالىقارالىق تٶمەن بايىتىلعان ۋران بانكٸ قۇرىلىسىنا 50 ملن دوللار قارجى سالدى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«پرەزيدەنت نۇرسۇلتان نازارباەۆتىڭ كٶشباسشىلىعىن, سونىمەن قاتار بٸرنەشە ونداعان جىل بويى جاھاندىق يادرولىق قارۋدى تاراتپاۋدىڭ مودەلٸ رەتٸندە قىزمەت ەتكەن قازاقستان حالقىنىڭ قايىرىمدىلىق جٸگەرٸن اتاپ ٶتكٸم كەلەدٸ. يادرولىق قاۋٸپتٸ قىسقارتۋ جٶنٸندەگٸ باستامانىڭ كەڭەسشٸسٸ ۋوررەن باففەتتٸڭ جومارتتىعىن دا ايرىقشا اتايمىن. ول باستاماسى رەتٸندە ەلۋ ميلليون دوللار بەردٸ. ۋوررەن يادرولىق قارۋدىڭ تارالۋ قاۋپٸن قىسقارتۋعا كٶمەك كٶرسەتكەننەن ارتىق ينۆەستيتسييا جوق دەيدٸ. سونىمەن قاتار دونور ەلدەردٸڭ دە ٷلەسٸن ايرىقشا اتاپ ٶتەمٸن»,- دەدٸ تٶمەن بايىتىلعان ۋران بانكٸنٸڭ اشىلۋ سالتاناتىنا ارنالعان شارادا يادرولىق قارۋدى قىسقارتۋ باستاماسىنىڭ تەڭ تٶراعاسى سامۋەل نانن.
ايتا كەتەيٸك, بٷگٸن ەلباسى نۇرسۇلتان نازارباەۆ قازاقستان اۋماعىندا قۇرىلعان حالىقارالىق تٶمەن بايىتىلعان ۋران بانكٸن رەسمي اشتى. سالتاناتتى شارا بارىسىندا قازاقستان پرەزيدەنتٸ ماگاتە-نٸڭ باس ديرەكتورى يۋكييا امانوعا بانكتٸڭ سيمۆولدىق كٸلتٸن تابىس ەتتٸ.
