فوتو: time.kz
قازاقستاندىق جۋرناليست ميحايل كوزاچكوۆقا قاتىستى بۇلتارتپاۋ شاراسى ٶزگەردٸ. ول تەرگەۋ يزولياتورىنان ٷيقاماققا اۋىستىرىلدى, دەپ حابارلايدى "ۇلت اقپارات" الماتى قالالىق سوتىنىڭ باسپاسٶز قىزمەتٸنە سٸلتەمە جاساپ.
"الماتى قالاسى مامانداندىرىلعان اۋدانارالىق تەرگەۋ سوتىنىڭ حابارلاماسى بويىنشا, 2023 جىلعى 18 اقپانداعى سوت قاۋلىسىمەن, سوتالدى تەرگەۋ ورگانىنىڭ ك.-عا قاتىستى 2 ايلىق قاماۋدا ۇستاۋ تٷرٸندەگٸ بۇلتارتپاۋ شاراسىن (ياعني 2023 جىلدىڭ 18 سەۋٸرٸنە دەيٸن) ٷي قاماعىنا اۋىستىرۋ بويىنشا ارىزى قاناعاتتاندىرىلدى. سوت قاۋلىسى زاڭدى كٷشٸنە ەنگەن جوق", - دەلٸنگەن حابارالمادا.
ەسكە سالايىق, تانىمال جۋرناليست ميحايل كوزاچكوۆ 18 جەلتوقساندا ۇستالعان بولاتىن. بۇل اقپاراتتى قارجىلىق مونيتورينگ اگەنتتٸگٸ راستادى. ول كوسپاەۆتىڭ ۇيىمداسقان قىلمىستىق توبىنا رەيدەرلٸك باسىپ الۋلار جاساۋعا كٶمەكتەسكەن دەگەن كٷدٸككە ٸلٸنگەن.
بۇل ٸسكە قاتىستى توقاەۆتىڭ باسپاسٶز حاتشىسى رۋسلان جەلدٸباي دا پٸكٸر بٸلدٸرگەن ەدٸ. ول بۇل ٸس قازاقستان رەسپۋبليكاسىنىڭ زاڭناماسىنا سەيكەس تەك قۇقىق شەڭبەرٸندە قارالۋعا تيٸس ەكەنٸن اتاپ ٶتتٸ.
