Foto: time.kz
Qazaqstandyq jýrnalist Mihail Kozachkovqa qatysty bultartpaý sharasy ózgerdi. Ol tergeý izoliatorynan úiqamaqqa aýystyryldy, dep habarlaidy "Ult aqparat" Almaty qalalyq sotynyń baspasóz qyzmetine silteme jasap.
"Almaty qalasy mamandandyrylǵan aýdanaralyq tergeý sotynyń habarlamasy boiynsha, 2023 jylǵy 18 aqpandaǵy sot qaýlysymen, sotaldy tergeý organynyń K.-ǵa qatysty 2 ailyq qamaýda ustaý túrindegi bultartpaý sharasyn (iaǵni 2023 jyldyń 18 sáýirine deiin) úi qamaǵyna aýystyrý boiynsha aryzy qanaǵattandyryldy. Sot qaýlysy zańdy kúshine engen joq", - delingen habaralmada.
Eske salaiyq, tanymal jýrnalist Mihail Kozachkov 18 jeltoqsanda ustalǵan bolatyn. Bul aqparatty Qarjylyq monitoring agenttigi rastady. Ol Kospaevtyń uiymdasqan qylmystyq tobyna reiderlik basyp alýlar jasaýǵa kómektesken degen kúdikke ilingen.
Bul iske qatysty Toqaevtyń baspasóz hatshysy Rýslan Jeldibai da pikir bildirgen edi. Ol bul is Qazaqstan Respýblikasynyń zańnamasyna sáikes tek quqyq sheńberinde qaralýǵa tiis ekenin atap ótti.
