تاياۋ شىعىستان كەلگەن ميگرانتتاردان قۇرالعان بٸرنەشە توپ تاعى دا ەۋرووداق اۋماعىنا بەلورۋس-پولياك شەكاراسى ارقىلى زاڭسىز ٶتپەك بولدى. ولار پولياك پوليتسەيلەرٸنٸڭ كٶلٸكتەرٸنە تاس لاقتىردى. بۇل جٶنٸندە پولشا پوليتسيياسى تۋيتتەردە حابارلادى.
پولشا شەكارا قىزمەتٸنٸڭ ايتۋىنشا, ەڭ ٸرٸ توپتىڭ قۇرامىندا 200 شاقتى ادام بولعان, قالعاندارىندا ونداعان ادام بولعان. ولار كٷشتٸك قۇرىلىم ٶكٸلدەرٸنە جاس اعىزاتىن گاز شاشىپ, پەتاردا قولدانعان. الايدا ەشقايسىسى شەكارانى بۇزىپ ٶتە الماعان. پولشا جاعىنان ەشكٸم زارداپ شەكپەگەن.
جۇما, 19 قاراشادا باقىلاۋ-ٶتكٸزۋ پۋنكتٸنەن تىس جەردە شەكارانى زاڭسىز كەسٸپ ٶتۋ تالپىنىسى بويىنشا 195 وقيعا تٸركەلگەن. قۇجاتسىز جٷرگەن 5 ميگرانت جەنە شەكارانى زاڭسىز كەسٸپ ٶتۋگە ارانداتتى دەگەن كٷدٸككە ٸلٸنگەن بٸرنەشە ادام ۇستالعان.
- بيىل بەلارۋستٸڭ ەۋرووداقپەن شەكاراسىندا كٶشٸ-قون داعدارىسى تۋىندادى. بۇعان دەيٸن الەكساندر لۋكاشەنكو بەلارۋس ەۋرووداققا بارعىسى كەلەتٸن قۇجاتسىز ميگرانتتار مەن ەسٸرتكٸ ساۋداگەرلەرٸن بۇدان ەرٸ قاراي بٶگەمەيتٸنٸن مەلٸمدەگەن.
- ەۋرووداق لۋكاشەنكونى داعدارىستى قولدان ۇيىمداستىردى دەپ ايىپتايدى. كەيٸنگٸ ايلاردا مينسكٸگە تاياۋ شىعىستان ونداعان مىڭ ميگرانت كەلگەن. كٶبٸ سيرييا مەن يراك ازاماتتارى. كٶپتەگەن جۋرناليستٸك زەرتتەۋلەر ميگرانتتاردىڭ ەۋروپاعا ساپارىن بەلارۋس بيلٸگٸ ۇيىمداستىردى دەگەن بولجامدى راستايدى.
- ەستونييا سٸم ەۆا-مارييا لييمەتستٸڭ ايتۋىنشا, لۋكاشەنكو ەگەر ەۋرووداق ونىڭ بەلارۋس پرەزيدەنتٸ ەكەنٸن مويىنداپ, سانكتسييانىڭ كٷشٸن جويسا, داعدارىستى توقتاتۋعا ۋەدە بەرگەن. مينسك بۇل اقپاراتقا تٷسٸنٸكتەمە بەرمەدٸ.
