فوتو: ۆيدەودان سكرينشوت
ەلەۋمەتتٸك جەلٸدە مەشٸتتە ناماز وقىپ تۇرعان ەر ادامدى سوققىعا جىققان تۇرعىننىڭ ۆيدەوسى تارادى. بٷگٸندە وقيعانىڭ مەن جايى تەكسەرٸلٸپ جاتىر. ال قۇقىق بۇزۋشىلىق ورىن العان مەشٸت يمامى جاعدايدىڭ قالاي بولعانىن ايتىپ بەردٸ. جالپى مەشٸتتەگٸ ناماز وقۋ ەرەجەسٸ قانداي? بۇل تۋرالى "ۇلت اقپارات" وتىرارعا سٸلتەمە جاساپ حابارلايدى.
شىمكەنتتە ٶزگە مەزھابتا ناماز وقىعان ەر ادام سوققىعا جىعىلدى. وقيعا قالاداعى ابدۋسساتتار سمانوۆ مەشٸتٸندە ورىن العان. ۆيدەودان مەشٸتتە ناماز وقىپ جاتقان جاماعاتتى كٶرۋگە بولادى. بٸر سەتتە ەر ادام كٷتپەگەن جەردەن قاسىندا تۇرعان ازاماتتى ۇرىپ قۇلاتىپ, اياعىمەن تەپكٸلەي باستايدى. قۇقىق بۇزۋشىلىق ورىن العان مەشٸت يمامى بۇل وقيعانىڭ مەن جايىن تٷسٸندٸردٸ.
بەرٸك شوتابەكوۆ, ابدۋسساتتار سمانوۆ مەشٸتٸنٸڭ يمامى:
«ٶزگە ٶڭٸردەن كەلگەن 10-15 شاقتى ازاماتقا ناماز الدىندا يمام بٸرنەشە رەت ەسكەرتۋ جاساعان. بٸزدە قمدب بويىنشا, ٸشكٸ تەرتٸپ بويىنشا بٷكٸل قازاقستان اۋماعىندا حانافي مەزھابىندا «ەميندٸ» ٸشتەن ايتىلادى دەپ ەسكەرتٸلدٸ. جەنە دە وسى ەسكەرتۋگە قۇلاق اسپاستان بٸرنەشە رەت نامازدى بۇزۋعا, يمامنىڭ جۇمىسىنا كەدەرگٸ جاساعان ازاماتقا شىداي الماعان جاماعاتىمىز ونى قاتتى ەموتسيياعا بەرٸلٸپ, قول جۇمساپ جٸبەردٸ»
بٷگٸندە وقيعانىڭ مەن جايىن پوليتسييا تەكسەرٸپ جاتىر. بەلگٸلٸ بولعانداي بۇل جاعداي 12 مامىر كٷنٸ كەشكٸ 19:00 شاماسىندا ورىن العان.
شىمكەنت قالاسى پد باسپاسٶز قىزمەتٸ:
«وقيعا قاتىسۋشىلارى پوليتسيياعا ارىزداندى. تاعايىندالعان ساراپتامالاردىڭ نەتيجەسٸمەن پروتسەسسۋالدى شەشٸم قابىلدانادى»
قازاقستان مۇسىلماندارى دٸني باسقارماسى مەشٸتكە كەلۋشٸ جاماعاتتى مەشٸت ەرەجەسٸنە باعىنۋعا, سونىمەن قاتار قۇلشىلىق ٷيٸندە سابىر ساقتاپ, كٶركەم مٸنەز تانىتۋعا شاقىرادى. ەسكەرتە كەتسەك, بەكٸتٸلگەن «مەشٸت ەرەجەسٸ» بويىنشا قازاقستان مۇسىلماندارىنىڭ اۋىزبٸرشٸلٸگٸ مەن بٸرتۇتاستىعىن قامتاماسىز ەتۋ ٷشٸن ەلٸمٸزدەگٸ ناماز بەن دٸني رەسٸمدەر ەبۋ حانيفا مەزھابى بويىنشا ورىندالادى.
