سۋرەت: aikyn.kz
قر قورعانىس مينيسترلٸگٸ مەن قارجى نارىعىن رەتتەۋ جەنە دامىتۋ اگەنتتٸگٸ مەرزٸمدٸ قىزمەتتٸڭ ساربازدارىنا «نەسيەلٸك دەمالىس» بەرۋ تۋرالى مەموراندۋمدى بەكٸتتٸ. قۇجاتقا قوس ۆەدومستۆو باسشىسى گەنەرال-پولكوۆنيك رۋسلان جاقسىلىقوۆ پەن مەدينا ەبٸلقاسىموۆا قول قويدى, دەپ حابارلايدى "ۇلت اقپارات" قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
قورعانىس ۆەدومستۆوسىنىڭ بۇل باستاماسى مەرزٸمدٸ قىزمەتتەگٸ ەسكەري قىزمەتشٸلەرگە ەسكەري قىزمەت ٶتكەرۋ كەزەڭٸندە ٶز نەسيەلەرٸن ۇمىتۋعا مٷمكٸندٸك بەرەدٸ. نەسيەلەر بويىنشا تٶلەمدەردٸ كەيٸنگە قالدىرۋ ساربازداردىڭ بارلىق بانكتەر مەن ميكروقارجى ۇيىمدارىنان العان اقشالاي قارىزدارىن توقتاتا تۇرۋدى كٶزدەيدٸ.
"مەموراندۋمدى ٸسكە اسىرۋ ٷشٸن قورعانىس مينيسترلٸگٸنٸڭ اگەنتتٸكپەن جەنە قارجى ۇيىمدارىمەن ٶزارا ٸس-قيمىلىنىڭ ارنايى الگوريتمٸ ەزٸرلەندٸ. وسىعان سەيكەس, شاقىرۋ ناۋقانى كەزٸندە بولاشاق وتان قورعاۋشىلاردىڭ جينالعان بانكتٸك قارىزدارى مەن شاعىن نەسيەلەرٸ تۋرالى مەلٸمەتتەر بٸردەن قارجى نارىعىن رەتتەۋ جەنە دامىتۋ اگەنتتٸگٸنە جٸبەرٸلەدٸ.
وسى دەرەكتەردٸڭ نەگٸزٸندە كرەديتورلار نەگٸزگٸ بورىش پەن سىياقى بويىنشا تٶلەمدەردٸ كەيٸنگە قالدىرۋ جەنە بەرەشەكتٸ ٶندٸرٸپ الۋدىڭ بارلىق نىساندارىن توقتاتا تۇرۋ مەسەلەلەرٸن پىسىقتايدى" - دەلٸنگەن حابارلامادا.
تٶلەمدەردٸ كەيٸنگە قالدىرۋ كەزەڭٸندە كرەديتور سوتقا بەرۋدٸ, بەرەشەكتٸ ٶندٸرٸپ الۋ ماقساتىمەن اتقارۋشىلىق جازبا جاساۋ ٷشٸن نوتاريۋسقا جٷگٸنۋدٸ, تۇرعىن ٷيدٸ ساتۋدى, قارىز الۋشىنىڭ وتباسىن پەتەردەن شىعارۋدى توقتاتا تۇرادى. سونداي-اق, سوت اكتٸلەرٸنە سەيكەس كرەديتور بەرەشەكتٸ ٶندٸرٸپ الۋدىڭ بارلىق نىساندارىن توقتاتۋعا مٸندەتتەلەدٸ.
جالپى, مەموراندۋم قارجىلىق قىزمەتتەردٸ تۇتىنۋشىلاردىڭ زاڭدى مٷددەلەرٸن ۋاقتىلى قورعاۋعا باعىتتالعان. ول سونداي-اق ەسكەري قىزمەتتٸڭ بەلگٸلەنگەن مەرزٸمٸن ٶتكەرۋ كەزەڭٸندە مەرزٸمدٸ قىزمەتتەگٸ ەسكەري قىزمەتشٸلەردٸڭ قارىزدارى مەن شاعىن نەسيەلەرٸ بويىنشا مٸندەتتەمەلەردٸ ورىنداي الماۋىنا بايلانىستى تۋىندايتىن ەلەۋمەتتٸك شيەلەنٸستٸ جويۋعا ىقپال ەتپەك.
