جامبىل وبلىسىنىڭ مەركٸ اۋدانىندا 19 جاسىندا كٶز جۇمعان مادينا راشيدقىزىنىڭ ٶلٸمٸنە قاتىستى جاڭا دەرەكتەر ايتىلدى, دەپ حابارلايدى ult.kz.
جۋرناليست جان احماديەۆ مارقۇمنىڭ قايىن جۇرتىنا بارىپ, جاعدايدىڭ مەن-جايىن انىقتاۋعا تىرىسقان. الايدا مادينانىڭ ەنەسٸ جۋرناليستكە سۇحبات بەرۋدەن باس تارتقان. ال جاس كەلٸنشەكتٸڭ كٷيەۋٸ دە ٷيٸنەن تابىلماعان.
جۋرناليستٸڭ ايتۋىنشا, مارقۇمنىڭ كيٸمدەرٸ مەن جەكە زاتتارىن دا تۋىستارى بەرمەگەن.
ايتا كەتەيٸك, 19 جاستاعى مادينا راشيدقىزىنىڭ ارتىندا سەگٸز ايلىق سەبيٸ قالعان. اقپاراتقا سەيكەس, جاس كەلٸنشەك ٶزبەكستان ازاماتى بولعان, ال كٷيەۋٸ قازاقستان ازاماتى. ەرلٸ-زايىپتىنىڭ شاڭىراق كٶتەرگەنٸنە شامامەن ەكٸ جىل بولعان.
قايعىلى وقيعادان بٸر كٷن بۇرىن مادينا جاقىن قۇربىسىنا كٷيەۋٸمەن ارادا جانجال بولعانىن ايتىپ, اجىراسقىسى كەلەتٸنٸن جەتكٸزگەن. سونداي-اق قۇربىسىنان 15 مىڭ تەڭگە قارىز سۇراعان. الايدا قۇربىسى قاجەتتٸ قاراجاتتى تاۋىپ بەرە الماعان.
كەلەسٸ كٷنٸ مادينانىڭ قايتىس بولعانى بەلگٸلٸ بولعان.
ەلەۋمەتتٸك جەلٸدەگٸ مەلٸمەتتەردە جاس كەلٸنشەكتٸڭ بۇعان دەيٸن دە وتباسىنداعى جانجالدار تۋرالى قۇربىسىنا ايتىپ جٷرگەنٸ جازىلدى. كەي دەرەكتەردە كٷيەۋٸنٸڭ ماديناعا قول كٶتەرگەنٸ دە ايتىلعان. دەگەنمەن بۇل اقپارات ەزٸرگە رەسمي تٷردە راستالعان جوق.
قازٸر مادينانىڭ ٶلٸمٸنە قاتىستى تەرگەۋ جٷرٸپ جاتىر. قۇزىرلى ورگاندار وقيعانىڭ ناقتى مەن-جايى مەن جاس كەلٸنشەكتٸڭ ٶلٸمٸنٸڭ سەبەبٸن انىقتاۋدا.
