ەگەر مەسكەۋ "سولتٷستٸك اعىن – 2" گاز قۇبىرىن "قارۋ" رەتٸندە پايدالاناتىن بولسا, گەرمانييا رەسەيگە تاعى دا سانكتسييا سالۋ جٶنٸندە مەسەلە كٶتەرەدٸ. بۇل جٶنٸندە گەرمانييا كانتسلەرٸ انگەلا مەركەل كيەۆتە ۋكراينا پرەزيدەنتٸ ۆلاديمير زەلەنسكييمەن كەلٸسسٶزدەن كەيٸن ٶتكەن باسپاسٶز جيىنىندا ايتتى, دەپ حابارلايدى "ۇلت اقپارات" ازاتتىق راديوسىنا سٸلتەمە جاساپ.
مەركەل رەسەي گازىن ۋكراينا ارقىلى تاسىمالداۋ تۋرالى كەلٸسٸم جٶنٸندە دە سٶز قوزعادى. 2024 جىلى اياقتالاتىن بۇل كەلٸسٸم جايلى مەسكەۋدەگٸ كەزدەسۋدە رەسەي پرەزيدەنتٸ ۆلاديمير پۋتينگە ۇستانىمىن جەتكٸزگەنٸن ايتتى.
ۋكراينا پرەزيدەنتٸ ۆلاديمير زەلەنسكيي "سولتٷستٸك اعىن - 2" گاز قۇبىرىنا بايلانىستى قاۋٸپتەنەتٸنٸن, كيەۆ رەسەي گازى 2024 جىلدان كەيٸن دە ۋكراينا ارقىلى تاسىمالداناتىنىنا ناقتى كەپٸلدٸك قالايتىنىن بٸلدٸردٸ. ونىڭ سٶزٸنە قاراعاندا, بۇل مەسەلە جٶنٸندەگٸ كەلٸسسٶزدەر ەندٸ باستالعان.
مەركەل كيەۆكە مەسكەۋگە جاساعان رەسمي ساپارىنان كەيٸن "قىرىم پلاتفورماسى" قارساڭىندا كەلدٸ. ەلەمنٸڭ ونداعان ەلٸنٸڭ ٶكٸلدەرٸ مەن بٸرنەشە مەملەكەت باسشىسى قاتىساتىن بۇل ٸس-شارادا رەسەي اننەكسييالاعان قىرىمعا بايلانىستى مەسەلەلەر تالقىلانادى. الايدا وعان باتىستىڭ جەتەكشٸ ەلدەرٸنٸڭ باسشىلارى ەمەس, مينيسترلەرٸ كەلەتٸنگە ۇقسايدى.
مەركەل ٶزٸنٸڭ نە سەبەپتٸ قاتىسپايتىنىن "اۋعانستاننان ەۆاكۋاتسييالاۋ مەسەلەسٸمەن شۇعىل اينالىسۋ قاجەتتٸگٸمەن" بايلانىستىردى.
بۇل ساپار - مەركەلدٸڭ كيەۆكە كانتسلەر رەتٸندەگٸ سوڭعى ساپارى. ول الداعى قىركٷيەكتە ٶتەتٸن بۋندەستاگ سايلاۋىنان كەيٸن قىزمەتٸنەن كەتەدٸ.
"سولتٷستٸك اعىن – 2" – گەرمانيياعا بالتىق تەڭٸزٸنٸڭ تٷبٸمەن رەسەي گازىن جەتكٸزەتٸن گاز قۇبىرى. اقش پەن ۋكراينا جەنە باتىستىڭ كەي ەلدەرٸ رەسەي بۇل قۇبىردى قىسىم جاساۋ قۇرالى رەتٸندە پايدالانۋى مٷمكٸن دەپ ەسەپتەيدٸ. سول سەبەپتٸ بۇل قۇبىردى سالۋعا دا قارسى بولعان ەدٸ.
اقش پەن گەرمانييا "سولتٷستٸك اعىن – 2" گاز قۇبىرى ٸسكە قوسىلعاناننان كەيٸن دە رەسەيدٸ ۋكراينا ارقىلى گاز تاسىمالىن جالعاستىرا بەرۋگە كٶندٸرەتٸنٸ جايلى مەموراندۋمعا قول قويعان. رەسەي ۋكراينانى اينالىپ ٶتەتٸن گاز قۇبىرىن ۋكراينا – رەسەي اراسىنداعى جانجال كٷرت كٶبەيگەن كەزدە باستاعان. قۇبىر بيىلدىڭ ٶزٸندە پايدالانۋعا بەرٸلۋٸ مٷمكٸن.
