مەملەكەتتٸك ورگاندار موراتورييگە قاراماستان قىزمەتتٸك كٶلٸك ساتىپ الۋدان تىيىلماي وتىر. بۇل تۋرالى قر قارجى مينيسترلٸگٸ مەملەكەتتٸك ساتىپ الۋلار زاڭناماسى دەپارتامەنتٸنٸڭ ديرەكتورى سەبيت احمەتوۆ ايتتى, دەپ حابارلايدى قازاقپارات.
«ەكٸمدٸكتەردٸڭ تاراپىنان كٶلٸك ساتىپ الۋدىڭ بٸرەن-ساران دەرەگٸ بار. دەگەنمەن, كٶپ جاعدايدا ەكٸمدٸكتەر نورماتيۆتٸك-قۇقىقتىق اكتٸلەردە كٶرسەتٸلگەن تەحنيكالىق سيپاتتاما شەگٸندە ساتىپ العان. جەكەلەگەن دەرەكتەرگە كەلەر بولساق, ولارعا قاتىستى تەكسەرۋ جٷرٸپ جاتىر. قورىتىندىسى بويىنشا قوسىمشا اقپارات بەرەتٸن بولامىز», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ دەرەگٸنشە, جەڭٸل كٶلٸكتەردٸ نەگٸزٸنەن ٸشكٸ ٸستەر مينيسترلٸگٸ جەنە ٶڭٸرلٸك پوليتسييا دەپارتامەنتتەرٸ ساتىپ العان.
«اۆتوكٶلٸك ساتىپ الۋ سانى جاعىنان ەكٸنشٸ ورىندا سانيتارلىق-ەپيدەميولوگييالىق قىزمەت تۇر. بۇل - موبيليزاتسييالىق دايىندىق قىزمەتتەرٸ, تٶتەنشە جاعدايلار قىزمەتٸ. ايتا كەتەرلٸگٸ, اۆتوكٶلٸكتەردٸڭ باسىم بٶلٸگٸ جارييالانعان موراتوريي بويىنشا بەلگٸلەنگەن شەكتەۋ شەگٸندە ساتىپ الىنعان. وندا ەكٸ شەكتەۋ بار. بٸرٸنشٸدەن, جەڭٸل اۆتوكٶلٸك قوزعالتقىشىنىڭ كٶلەمٸ 2 تەكشە مەتردەن اسپاۋى جەنە بازالىق جيىنتىقتان جوعارى بولماۋى تيٸس. ەكٸنشٸدەن, اتالعان اۆتوكٶلٸك قۇرالدارى وتاندىق ٶندٸرٸستەن شىعۋ قاجەت. جالپى, اۆتوكٶلٸك قۇرالدارىنىڭ بارلىعى دا وتاندىق تاۋار ٶندٸرۋشٸلەردەن ساتىپ الىنعان», - دەدٸ سەبيت احمەتوۆ.
