قر ستراتەگييالىق جوسپارلاۋ جەنە رەفورمالاۋ اگەنتتٸگٸنٸڭ تٶراعاسى قايرات كەلٸمبەتوۆ مەملەكەتتٸك جوسپارلاۋ جٷيەسٸندە قانداي ٶزگەرٸستەر بولاتىنىن ايتىپ بەردٸ, دەپ حابارلايدى قازاقپارات.
«2020 جىلعى 1 قىركٷيەكتە مەملەكەت باسشىسى قازاقستان حالقىنا جولداۋىندا مەملەكەتتٸك جوسپارلاۋ جٷيەسٸن قايتا قاراۋ بويىنشا تاپسىرما بەرگەن ەدٸ. مۇنداعى باسقارۋدىڭ نەگٸزگٸ قاعيداسى – ادامعا باعىتتالۋ ۇستانىمى بولماق. مەملەكەتتٸك جوسپارلاۋ, بيۋدجەتتٸك جوسپارلاۋ, مەملەكەتتٸك قىزمەت, كٶرسەتٸلەتٸن قىزمەتتەر, تسيفرلاندىرۋ سيياقتى مەملەكەتتٸك باسقارۋدىڭ نەگٸزگٸ تٷپكٸ جٷيەلەرٸن قاراستىرىپ, ەڭ الدىمەن مەملەكەتتٸك ورگانداردى جاۋاپكەرشٸلٸكتەرٸن ارتتىراتىن, تاپسىرمالاردى ٸسكە اسىرۋدىڭ تيٸمدٸلٸگٸنە ىقپال ەتەتٸن تەسٸلدەردٸ ۇسىنۋعا باعدارلادىق. ياعني مەملەكەتتٸك باسقارۋدىڭ تٷپكٸ جٷيەلەرٸن ترانسفورماتسييالاۋ كەرەك جەنە ونى جٷيەلٸ جٷرگٸزۋ كەرەك دەگەن قورىتىندىعا كەلدٸك. وسىعان بايلانىستى ٶزگەرٸستەر قابىلداندى», - دەدٸ قايرات كەلٸمبەتوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سپيكەردٸڭ ايتۋىنشا, جاڭا فورماداعى مەملەكەتتٸك جوسپارلاۋ جٷيەسٸ بەلگٸلٸ بٸر باعىتتاردى ۇسىنادى جەنە مەملەكەتتٸك جوسپارلاۋدىڭ جاڭا جٷيەسٸننٸڭ ٶز ەرەكشەلٸكتەرٸ بار.
«ەڭ الدىمەن, ينستيتۋتسيونالدىق رەفورمالاردى جٷرگٸزۋگە قاجەتتٸ جاعدايلار جاسالۋدا. جالپىۇلتتىق باسىمدىقتار ەلٸمٸزدٸڭ نەگٸزگٸ باعىتتارىن, دامۋ كٶرٸنٸستەرٸن بەكٸتەدٸ, بۇل – بٸزدٸڭ ماقساتتارىمىز بەن مٸندەتتەرٸمٸزدٸ ايقىن كٶرسەتەتٸن 10 باسىمدىق. باسىمدىقتارعا سەيكەس, بيۋدجەت قاراجاتىن بٶلۋ دە قۇرىلاتىن بولادى. سوندىقتان بيۋدجەتتٸك ليميتتەر مەملەكەتتٸك ورگانداردىڭ باسىم مٸندەتتەرٸ اياسىندا بٶلٸنەدٸ. بٸزدٸڭ قانداي باعدارلامالاردى قارجىلاندىراتىنىمىز, قاي باعدارلاماعا باسىمدىق بەرٸلەدٸ جەنە قاي باعدارلاما كەيٸننەن قارجىلاناتىنى انىق كٶرٸنەدٸ», - دەپ اتاپ ٶتتٸ قايرات كەلٸمبەتوۆ.
ق. كەلٸمبەتوۆ جالپىۇلتتىق باسىمدىقتاردى مەملەكەت باسشىسىنىڭ ٶزٸ بەكٸتەتٸنٸن ايتتى.
«ۇلتتىق جوبالاردىڭ تٸزٸمٸن جاقىن ارادا مەملەكەت باسشىسى بەكٸتەدٸ. ۇلتتىق جوبالار پورتفەلٸن ٸسكە اسىرۋ جوبالىق باسقارۋ قاعيداتتارىنا نەگٸزدەلەدٸ», - دەيدٸ قايرات كەلٸمبەتوۆ.
