QazVac ۆاكتسيناسىن ەزٸرلەۋشٸ جەنە بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتىنىڭ باس ديرەكتورى كٷنسۇلۋ زاكارييا ەل-فارابي اتىنداعى عىلىم مەن تەحنيكا سالاسىنداعى مەملەكەتتٸك سىيلىقتان كەيٸن قازاقپارات حاا تٸلشٸسٸنە سۇحبات بەرٸپ, قازاقستاندىقتارعا وتاندىق عىلىمدى قولداعانى ٷشٸن العىس ايتتى.
«وسىنداي مەرتەبەلٸ اتاق ٷشٸن جوعارى جاۋاپكەرشٸلٸك سەزٸمٸ دە بويدى كەرنەپ تۇر. بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتىنىڭ 63 جىلدىق تاريحى بار. وسى ارالىقتا ينستيتۋت عالىمدارى قاۋٸپتٸ جەنە اسا قاۋٸپتٸ ينفەكتسييالارعا قارسى 70-كە جۋىق ۆاكتسينا ەزٸرلەدٸ. بۇل – بٷكٸل ۇجىمنىڭ ەڭبەگٸ. ال بٷگٸن بارلىق جىلدارداعى سول قاجىرلى ەڭبەكتٸ باعالاپ وتىر. بۇل ۆاكتسينالاردىڭ بارلىعى ٶز ۋاقىتىندا بيولوگييالىق قاۋٸپسٸزدٸكتٸ قامتاماسىز ەتۋ ٷشٸن ٷلكەن ەكونوميكالىق ماڭىزعا يە بولدى. بٸز سوڭعى ەكٸ جىلدا وراسان زور جۇمىس جٷرگٸزدٸك: العاشقى قازاقستاندىق QazVac ۆاكتسيناسىن ەزٸرلەدٸك, سىناقتان ٶتكٸزدٸك, مەديتسينالىق قولدانۋعا ەنگٸزدٸك جەنە بيىلعى سەۋٸر ايىنان باستاپ شىعاردىق», - دەيدٸ ك. زاكارييا.
ونىڭ ايتۋىنشا, پرەزيدەنت قاسىم-جومارت توقاەۆ عالىمداردىڭ جۇمىسىنا ەردايىم قولداۋ كٶرسەتٸپ, ەزٸرلەمەلەرگە ەرەكشە قىزىعۋشىلىق تانىتىپ وتىرعان.
«مەملەكەتتٸك ماراپاتتى مەملەكەت باسشىسى قاسىم-جومارت توقاەۆتىڭ قولىنان العانىمدى ەرەكشە ماقتانىش تۇتامىن. پرەزيدەنت باستاپقىدا-اق بٸزدٸڭ جۇمىسىمىزدى قولدادى, جاڭا ەزٸرلەمەلەرگە جان-جاقتى قىزىعۋشىلىق تانىتتى. ٷكٸمەت تە كٶمەك كٶرسەتتٸ. كٶپتەگەن مينيسترلٸكتەر مەن ۆەدومستۆولار جەنە ٸس جٷزٸندە بارلىق باق حالىقتى بٸزدٸڭ زەرتتەۋٸمٸز بەن ەزٸرلەمەلەرٸمٸزدٸڭ بارىسى تۋرالى حاباردار ەتتٸ, سول ٷشٸن ولارعا جەكە راحمەتٸمدٸ ايتامىن», - دەدٸ ك. زاكارييا.
سونىمەن بٸرگە, وتاندىق ۆاكتسينانى ەزٸرلەۋشٸ «قازاقپارات» اگەنتتٸگٸنٸڭ ۇجىمىنا اقپاراتتىق قولداۋ كٶرسەتكەنٸ ٷشٸن العىس ايتتى.
«قازاقپارات» اگەنتتٸگٸنە جەكە العىسىمدى بٸلدٸرگٸم كەلەدٸ, ۆاكتسينانى ەزٸرلەۋدٸڭ العاشقى كٷندەرٸنەن باستاپ, سٸزدەر اقپاراتتىق سالادا قولداۋ كٶرسەتتٸڭٸزدەر. حالىقتى اقپاراتتاندىرۋ بويىنشا بارلىق جۇمىستاردى جٷرگٸزٸپ, ۆاكتسينالاۋدىڭ ماڭىزدىلىعىن تٷسٸندٸردٸڭٸزدەر, بۇل حالىق اراسىندا وسى كٷردەلٸ اۋرۋدىڭ الدىن الۋ مەن جويۋ ٷشٸن ٶتە قاجەت. كٶپ راقمەت. بارشاڭىزدى ۇلى مەرەكەمٸز – تەۋەلسٸزدٸك كٷنٸمەن قۇتتىقتايمىن. بۇل بٸزدٸڭ اتا-بابالارىمىز ارمانداپ ٶتكەن تەۋەلسٸزدٸك», - دەدٸ كٷنسۇلۋ زاكارييا.
سٶز سوڭىندا عالىم QazVac وتاندىق ۆاكتسيناسىن العاشقىلاردىڭ بٸرٸ بولىپ سىناپ كٶرگەن ەرٸكتٸلەردٸڭ ٷلەسٸن ەرەكشە اتاپ ٶتتٸ.
«بيٸك ازاماتتىق ۇستانىمىن كٶرسەتٸپ, العاشقى قازاقستاندىق ۆاكتسينانىڭ كلينيكالىق زەرتتەۋلەرٸنە قاتىسقان 3 244 ەرٸكتٸگە جەكە العىسىمدى بٸلدٸرگٸم كەلەدٸ. ولار ٶز دەنساۋلىعىن تەۋەكەلگە تٸكتٸ. قازٸر ەكٸنشٸ ۆاكتسينامىزدى سىناقتان ٶتكٸزٸپ جاتىرمىز, وعان تاراز قالاسى مەن جامبىل وبلىسىنان 300-گە جۋىق ادام قاتىسۋدا. بۇل شىن مەنٸندە بٷگٸنگٸ كٷننٸڭ ەرلٸگٸ.
بٸز عىلىم مەن تەحنيكا سالاسىنداعى ستيپەندياتتار اتىنان بۇل سىيلىقتىڭ بٸردە-بٸر تەڭگەسٸن الماۋدى ۇيعاردىق. بٸز بۇل سومانى جامبىل وبلىسىنىڭ مۇقتاج تۇرعىندارىنا پەتەر الۋعا بەرەمٸز. قايىرىمدىلىق رەتٸندە بٸز مۇقتاج ادامدارعا, باسپاناسىز ادامدارعا كٶمەكتەسكٸمٸز كەلەدٸ. ٶيتكەنٸ وتباسى ٷشٸن ەڭ باستىسى – ٶز ٷيٸ», - دەيدٸ كٷنسۇلۋ زاكارييا.
