قر ەدٸلەت مينيسترٸ مارات بەكەتاەۆ مەملەكەتتٸك سوت ورىنداۋشىلار نەگە قىسقارتىلعانىن تٷسٸندٸردٸ, دەپ حابارلايدى "ۇلت اقپارات".
«سوت اكتٸلەرٸن ورىنداۋ قىزمەتٸن جەتٸلدٸرۋ بويىنشا قابىلدانعان شارالار جەنە وسى ينستيتۋتتى ودان ەرٸ دامىتۋ تاقىرىبىنا توقتالماقپىن. ٷش ميلليوننان استام ازامات نەمەسە ەلٸمٸزدٸڭ التىدان بٸر بٶلٸگٸ جىل سايىن مەجبٷرلەپ ورىنداتۋعا مٸندەتتەلەدٸ. بۇل اتقارۋشىلىق ٸس جٷرگٸزۋ سالاسىنىڭ ناقتى اۋقىمى. سوندىقتان ونى ودان ەرٸ دامىتۋ ازاماتتاردىڭ مٷددەلەرٸن ەسەپكە الۋ تۇرعىسىنان جٷزەگە اسىرىلىپ كەلەدٸ. بۇل ينستيتۋتتىڭ بيزنەس ٷشٸن دە ماڭىزى زور. ٶندٸرٸپ الۋشىنىڭ تالاپتارىن بورىشكەردٸڭ قۇقىقتارىن كەمٸتپەي قاناعاتتاندىرۋ, ۋاقىت شىعىندارىن قىسقارتۋ, حالىققا ىڭعايلى ەتۋ جەنە تسيفرلاندىرۋ اتقارۋشىلىق ٸس جٷرگٸزۋدٸ جەتٸلدٸرۋ جولىنداعى باستى ماقساتتار بولدى. بۇل ماقسات كەزدەيسوق تاڭدالعان جوق. سەبەبٸن انىقتاۋ ٷشٸن بەس جىل بۇرىن بولعان جاعدايدى قارايىق. ول ۋاقىتتا پروبلەمالار كٶپ بولدى», - دەپ توقتالدى مينيستر پارلامەنت مەجٸلٸسٸندەگٸ ٷكٸمەت ساعاتىندا.
وسى ورايدا ول اتقارۋ پاراعىنىڭ جوعالىپ كەتۋٸ; بالالاردى قامتاماسىز ەتۋدٸ قوسا العاندا, بەرەشەكتٸ ٶندٸرۋدٸڭ تٶمەن دەڭگەيٸ, مەجبٷرلەۋ شارالارىن ۋاقتىلى قابىلداماۋ جەنە بەرەشەك جابىلعاننان كەيٸن ولاردىڭ شەشٸلمەۋٸ, سوت ورىنداۋشىسى تاراپىنان ٶز جۇمىسىنا قىزىعۋشىلىق تانىتپاۋى, بورىشكەردٸڭ مٷلٸكتٸك جاعدايىن تەز انىقتاۋ مٷمكٸندٸگٸنٸڭ جوقتىعى, تاراپتاردا ٸس جٷرگٸزۋ بارىسى تۋرالى اقپاراتتىڭ جوقتىعى سەكٸلدٸ مەسەلەلەر بولعانىن اتاپ ٶتتٸ.
«قوردالانعان مەسەلەلەردٸ شەشۋدٸڭ بٸرٸنشٸ كەزەڭٸ رەتٸندە جەكە ورىنداۋشى جٷيەسٸنە كٶشۋدٸ اتاپ ٶتكەن جٶن. بۇل ٶز كەزەگٸندە احۋالدى ايتارلىقتاي وڭتايلى ەتۋگە مٷمكٸندٸك بەردٸ. بۇل تۇرعىدا ٸستٸڭ نەتيجەسٸ بويىنشا سوت ورىنداۋشىسىنىڭ قىزىعۋشىلىعى مەسەلەسٸ ٸشٸنارا شەشٸلدٸ. مۇنىمەن قوسا, ۇلت جوسپارىنىڭ 27-قادامى اياسىنداعى ەكٸنشٸ كەزەڭ سوت ورىنداۋشىسى ينستيتۋتىن ارى قاراي دامىتۋعا تىڭ سەرپٸن بەردٸ», - دەدٸ م. بەكەتاەۆ.
ونىڭ سٶزٸنە قاراعاندا, 2016 جىلدان جەكە سوت ورىنداۋشىلارىنا اۋقىمدى سومادا مەملەكەتتٸك مٷددەسٸنە قاتىستى ٸستەردەن باسقا بارلىق قۇجاتتاردى ورىنداۋ بويىنشا ٶكٸلەتتٸك بەرٸلدٸ. اتالعان مەملەكەتتٸك مٷددەگە بايلانىستى قۇجاتتارمەن مەملەكەتتٸك سوت ورىنداۋشىلارى اينالىسادى.
«مەملەكەتتٸك سوت ورىنداۋشىلارىنىڭ سانى كٶپ بولۋىنا وراي, وڭتايلاندىرۋ شارالارى جٷرگٸزٸلٸپ, ولاردىڭ سانى تٶرت ەسەگە قىسقاردى, ياعني 1245-تەن 303-گە دەيٸن. جەكە سوت ورىنداۋشىلارىنىڭ سانىن ٷش ەسەگە, 2200-گە دەيٸن ارتتىرۋعا مٷمكٸن بولدى. بۇل ٶز كەزەگٸندە رەسپۋبليكا بيۋدجەتٸندە 1,4 ملرد تەڭگە شاماسىنداعى قارجىنى ٷنەمدەۋگە جول بەردٸ», - دەدٸ مارات بەكەتاەۆ.
