قازاقستاندا جەكەشەلەندٸرۋ نارىقتىق باعادان 17 ەسە تٶمەن باعامەن جٷرگٸزٸلۋدە. بۇل تۋرالى مەجٸلٸس دەپۋتاتى دانييا ەسپاەۆا مەلٸمدەدٸ, دەپ حابارلايدى Ulysmedia.kz.
حالىق قالاۋلىسىنىڭ ايتۋىنشا, جىل سايىن رەسپۋبليكالىق بيۋدجەت دەنساۋلىق ساقتاۋ جٷيەسٸنە, ونىڭ ٸشٸندە مەديتسينالىق مەكەمەلەردٸ جاڭعىرتۋعا 1 ترلن تەڭگەدەن استام قارجى قۇيعان, الايدا بۇل سومالار وبەكتٸلەردٸ ساتۋ كەزٸندە ەسكەرٸلمەگەن.
"قازاقستانداعى مەملەكەتتٸك نىساندار نارىقتىق باعادان 17 ەسە تٶمەن باعامەن جەكەشەلەندٸرٸلدٸ. ەگەر مەملەكەت سالىق تٶلەۋشٸلەردٸڭ ميللياردتاعان قارجىسىن جاڭا دەنساۋلىق ساقتاۋ وبەكتٸلەرٸن سالۋعا جۇمساپ جاتسا, قولدانىستاعى ەمحانالاردى تيىن-تەبەنگە تاراتۋدىڭ قانداي مەنٸ بار?"– دەپ نارازىلىق بٸلدٸردٸ مەجٸلٸس دەپۋتاتى.
ونىڭ ايتۋىنشا, قازٸر جەكەشەلەندٸرۋگە 700 مەملەكەتتٸك كەسٸپورىن شىعارىلعان, ونىڭ ٸشٸندە مەديتسينالىق مەكەمەلەر مەن "قازپوشتا" دا بار.
"سوندا بالاباقشالارعا قاتىستى وقيعاداعىداي مەملەكەت ەرتەڭ سول ەمحانالار مەن باسقا دا ەلەۋمەتتٸك ماڭىزى بار نىسانداردى دا ٷش ەسە قىمبات باعاعا ساتىپ الا ما?" – دەدٸ دەپۋتات.
ايتا كەتەيٸك, بۇعان دەيٸن "قازاتومٶنەركەسٸپ" جەكەشەلەندٸرۋ اياسىندا ٶزٸنٸڭ ەنشٸلەس Kazakhstan Solar Silicon كومپانيياسىن 17 ەسە از ساتقانى تۋرالى اقپارات تاراعان.
