فوتو: Kz.media
مەملەكەتتٸك كەڭەسشٸسٸ ەرلان قارين Telegram ارناسىندا جازعانداي, ەندٸ مەملەكەتتٸك ناگرادالار جٷيەسٸنە 9 جاڭا قۇرمەتتٸ اتاق ەنگٸزٸلەتٸن بولدى.
"ەلٸمٸزدە جۇمىسشى ماماندىقتارىنىڭ مەرتەبەسٸ بٸرتٸندەپ ارتىپ كەلەدٸ. مۇعالٸمدەر مەن دەرٸگەرلەردٸڭ جالاقىسى كەزەڭ-كەزەڭٸمەن ٶسٸپ جاتىر. ٶندٸرٸس وزاتتارى مەن ەڭبەك ديناستييالارىنىڭ ٶكٸلدەرٸنە تۇراقتى تٷردە مەملەكەتتٸك ناگرادالار بەرٸلەدٸ. كەسٸبي مەرەكەلەر كەڭٸنەن اتالىپ ٶتٸلەتٸن بولدى", — دەپ جازدى ەرلان قارين.
وسىعان وراي, ەرلان قارين مەملەكەتتٸك ناگرادالار جٷيەسٸنە (بۇرىننان بار 6 قۇرمەتتٸ اتاققا) 9 جاڭا قۇرمەتتٸ اتاق ەنگٸزٸلگەنٸن ايتتى.
"بٷگٸن پرەزيدەنت قاسىم-جومارت توقاەۆ تيٸستٸ زاڭعا قول قويدى. ەندٸ مەملەكەتتٸك ناگرادالار جٷيەسٸنە (بۇرىننان بار 6 قۇرمەتتٸ اتاققا) 9 جاڭا قۇرمەتتٸ اتاق ەنگٸزٸلدٸ. اتاپ ايتقاندا, عالىمدار مەن ٶنەرتاپقىشتارعا, ينجەنەرلەرگە, سەۋلەتشٸلەرگە جەنە قۇرىلىسشىلارعا, كەنشٸلەر مەن شاحتەرلەرگە, گەولوگتارعا, ٶنەركەسٸپ, كٶلٸك, اۋىل جەنە سۋ شارۋاشىلىعى سالاسىنىڭ قىزمەتكەرلەرٸنە بەرٸلەتٸن قۇرمەتتٸ اتاقتار قوسىلدى. قاجىرلى ەڭبەكتٸڭ مەملەكەتتٸك دەڭگەيدە باعالانۋى بارشا كەسٸپ يەسٸنە ەرەكشە شابىت بەرەدٸ جەنە ەڭبەك ادامىنىڭ بەدەلٸن ودان ەرٸ كٶتەرۋگە سەپتٸگٸن تيگٸزەدٸ. بۇل زاڭعا مەملەكەت باسشىسى «جۇمىسشى ماماندىقتار جىلى» دەپ جارييالاعان جاڭا 2025 جىلدىڭ قارساڭىندا قول قويىلۋىنىڭ سيمۆولدىق مەنٸ بار, — دەپ تٷيٸندەدٸ قارين.
ەسكە سالساق, مەملەكەت باسشىسى قاسىم-جومارت توقاەۆتىڭ جارلىعىمەن 2025 جىل جۇمىسشى ماماندىقتارىنىڭ جىلى دەپ جارييالاندى.
