قازاقستاندا مەملەكەتتٸك قىزمەتشٸلەرگە جاڭا ەتيكا كودەكسٸنٸڭ جوباسى ەزٸرلەندٸ. بۇل تۋرالى قر مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى انار جايىلعانوۆا ايتىپ بەردٸ, دەپ حابارلايدى قازاقپارات.
«ەتيكا تالاپتارىن قىزمەتتٸك ەتيكاعا جاتپايتىن ٶزگە دە ەرەجەلەردەن بٶلۋ ماقساتىندا مەملەكەتتٸك قىزمەتشٸلەردٸڭ ەدەپ كودەكسٸن جاڭا رەداكتسييادا جازۋ ۇسىنىلىپ وتىر. وسىعان بايلانىستى, قازٸرگٸ ۋاقىتتا ٶزگە ەلدەردٸڭ تەجٸريبەسٸن ەسكەرە وتىرىپ, «حالىق ٷنٸنە قۇلاق اساتىن مەملەكەت» تۇجىرىمداماسىندا, پرەزيدەنتتٸڭ ستراتەگييالىق قۇجاتتارى مەن باستامالارىندا ايقىندالعان زاماناۋي تالاپتارعا سەيكەس كەلەتٸن مەملەكەتتٸك قىزمەتشٸلەردٸڭ جاڭا ەدەپ كودەكسٸنٸڭ جوباسى ەزٸرلەندٸ», - دەدٸ جايىلعانوۆا قر مەملەكەتتٸك قىزمەت ٸستەرٸ اگەنتتٸگٸنٸڭ القا وتىرىسىندا.
سپيكەردٸڭ ايتۋىنشا, كودەكستە قىزمەتتٸك ەتيكانىڭ بەلگٸلٸ بٸر ستاندارتتارىنان بٶلەك, مەملەكەتتٸك قىزمەتشٸلەردٸڭ ەتيكا بۇزۋىنىڭ الدىن الۋ شارالارى پراكتيكالىق ۇسىنىستار تٷرٸندە قاراستىرىلعان.
«جاڭا كودەكس مەملەكەتتٸك قىزمەتشٸلەردٸڭ ەتيكالىق مەدەنيەتٸن قالىپتاستىرۋ جۇمىسىن جاڭا دەڭگەيگە كٶتەرەدٸ دەپ ويلايمىز. مەملەكەتتٸك باسقارۋ اكادەميياسى بازاسىندا ەتيكا مەن قۇقىقتىڭ ٶزەكتٸ مەسەلەلەرٸن وقىتۋ, مٷددەلەر قاقتىعىسىن شەشۋ بويىنشا مەملەكەتتٸك قىزمەتشٸلەردٸڭ بٸلٸكتٸلٸگٸن ارتتىرۋدىڭ جاڭا كۋرسىن ەزٸرلەۋ جۇمىستارى جٷرٸپ جاتىر», - دەپ تولىقتىردى انار جايىلعانوۆا.
