قارجىنى يگەرمەگەن باعدارلاما ەكٸمشٸلەرٸنە ايىپپۇل سالىنادى. بۇل تۋرالى پرەمەر-مينيستردٸڭ بٸرٸنشٸ ورىنباسارى - قارجى مينيسترٸ ەليحان سمايىلوۆ مەلٸم ەتتٸ, دەپ حابارلايدى قازاقپارات.
«قازٸرگٸ كەزدە ەكٸمشٸلٸك قۇقىق بۇزۋشىلىق تۋرالى زاڭناماعا ٶزگەرٸستەر ەنگٸزۋدەمٸز. ياعني بيۋدجەتتٸك باعدارلامالار ەكٸمشٸسٸنٸڭ بٸرٸنشٸ جەتەكشٸسٸنە ايىپپۇل تٷرٸندە جاۋاپكەرشٸلٸگٸن قاراستىراتىن تيٸستٸ تٷزەتۋدٸ ەنگٸزۋدەمٸز. اقشالاي ايىپپۇل ايتارلىقتاي قوماقتى بولادى. بۇل, ٶز كەزەگٸندە, قارجىنى ساپالى ەرٸ تيٸمدٸ يگەرۋ ٷشٸن ىنتالاندىراتىن بولادى», - دەدٸ ە. سمايىلوۆ سەناتتا تٸلشٸلەر ساۋالىنا جاۋاپ بەرە وتىرىپ.
بۇدان بۇرىن حابارلانعانداي, جاقىندا ەليحان سمايىلوۆ قاي مينيسترلٸكتەر بيۋدجەتتٸ يگەرە الماي جاتقانىن ايتقان ەدٸ.
«ال رەسپۋبليكالىق بيۋدجەتتٸڭ شىعىندارى 8 ترلن 541 ملرد تەڭگەنٸ قۇرادى. ورىندالماۋ سوماسى - 14,3 ملرد تەڭگە. ونىڭ 5,7 ملرد تەڭگەسٸ - ٷنەمدەلگەن قاراجات. 8,6 ملرد تەڭگە يگەرٸلمەي جاتىر. بۇل 2018 جىلدىڭ 9 ايىمەن سالىستىرعاندا بەس ەسە از. ەڭ كٶپ يگەرٸلمەگەن سوما مىنا ەكٸمشٸلەردە قالىپتاستى: ەكولوگييا, گەولوگييا جەنە تابيعي رەسۋرستار مينيسترلٸگٸ - 1,5 ملرد تەڭگە, جوعارعى سوت - 1,2 ملرد تەڭگە, مەدەنيەت جەنە سپورت مينيسترلٸگٸ - 992 ملن تەڭگە, ساۋدا جەنە ينتەگراتسييا مينيسترلٸگٸ - 947 ملن تەڭگە. قارجى يگەرمەۋدٸڭ نەگٸزگٸ سەبەپتەرٸ - كونكۋرستىق رەسٸمدەردٸ ۇزاق ٶتكٸزۋ, ورىندالعان جۇمىس اكتٸلەرٸن ۋاقتىلى ۇسىنباۋ, قازىناشىلىق ورگاندارىنا تٸركەۋگە شارتتار مەن قوسىمشا كەلٸسٸمدەردٸ كەش ۇسىنۋ», - دەدٸ ول.
