مەملەكەتتٸك قىزمەت ٸستەرٸ اگەنتتٸگٸندە ٶتكەن بريفينگتە اگەنتتٸك تٶراعاسى انار جايىلعانوۆا مەملەكەت باسشىسى بەكٸتكەن مەملەكەتتٸك باسقارۋ تۇجىرىمداماسىنىڭ نەگٸزگٸ تارماقتارى تۋرالى ايتتى, دەپ حابارلايدى قازاقپارات.
«بيىل 26 اقپاندا مەملەكەت باسشىسى مەملەكەتتٸك باسقارۋدىڭ ادامدارعا باعىتتالعان مودەلٸن دامىتۋ تۇجىرىمداماسىن ماقۇلدادى. مەملەكەتتٸك باسقارۋ حالىقتىڭ ٷمٸتٸن اقتاۋى كەرەك. سونىمەن بٸرگە, ازاماتتىق بەلسەندٸلٸكتٸڭ ەدەۋٸر ارتۋى قازاقستاندىق قوعامنىڭ جەتٸلگەندٸگٸن جەنە مەملەكەتتٸك باسقارۋ پروتسەسٸنە قاتىسۋ قاجەتتٸلٸگٸن كٶرسەتەدٸ. تۇجىرىمداما ازاماتتاردىڭ مەملەكەتپەن ٶزارا قارىم-قاتىناسىن جاقسارتۋعا, مەملەكەتتٸك جوسپارلاۋدىڭ تيٸمدٸلٸگٸن, مەملەكەتتٸك قىزمەت كادرلارىنىڭ ساپاسىن ارتتىرۋعا, مەملەكەتتٸك قىزمەت كٶرسەتۋدٸڭ بەلسەندٸ فورماتىنا اۋىسۋعا, نورماتيۆتٸك-قۇقىقتىق جەنە سىبايلاس جەمقورلىققا قارسى ساياساتتى جەتٸلدٸرۋگە, سونىمەن قاتار سوت جەنە قۇقىق قورعاۋ جٷيەسٸن ٶزگەرتۋگە باعىتتالعان», - دەيدٸ قر مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى.
ونىڭ ايتۋىنشا, مەملەكەتتٸك باسقارۋدىڭ جاڭا مودەلٸ «حالىق ٷنٸنە قۇلاق اساتىن», كەسٸبي جەنە پراگماتيكالىق مەملەكەت قاعيداتىنا نەگٸزدەلگەن بولادى.
«تۇجىرىمداماعا ساي كەلەتٸن مەملەكەتتٸك باسقارۋعا قول جەتكٸزۋ ٷشٸن «تۇلعاعا باعدارلانعان» مودەل قۇرۋدان باستاپ, وڭتايلى, كليەنتكە باعدارلانعان جەنە اشىق مەملەكەتتٸك اپپارات قالىپتاستىرۋ جوسپارلانۋدا. سونداي-اق, ازاماتتاردىڭ قاجەتتٸلٸگٸنە نەگٸزدەلگەن مەملەكەتتٸك قىزمەتتەردٸ بەلسەندٸ كٶرسەتۋگە كٶشۋ, كادرلار ساپاسىن ارتتىرۋ جەنە مەملەكەتتٸك اپپاراتتىڭ كەسٸبيلەنۋٸ قاراستىرىلادى. كادرلار ساپاسىن جاقسارتۋ جەنە مەملەكەتتٸك اپپاراتتىڭ كەسٸبيلەندٸرٸلۋٸ, سوت جەنە قۇقىق قورعاۋ جٷيەسٸن قايتا قۇرۋ جوسپارلانۋدا», - دەيدٸ انار جايىلعانوۆا.
