فوتو: iStock
مەملەكەت باسشىسى قاسىم-جومارت توقاەۆ اگروٶنەركەسٸپ كەشەنٸن تٸكەلەي سۋبسيدييالاۋ تەسٸلٸنەن ارزان نەسيە بەرۋ تەسٸلٸنە بٸرتٸندەپ كٶشۋ – اسا ماڭىزدى مٸندەت ەكەنٸن ايتتى.
"بٶلٸنگەن قاراجاتتىڭ بەرٸ تيٸمدٸ جۇمسالۋعا تيٸس. الايدا شىندىققا جاناسپايتىن اقپارات بەرۋ, باسقاشا ايتقاندا, مەلٸمەتتەردٸ بۇرمالاۋ اۋىل شارۋاشىلىعىنداعى شىنايى احۋالدى باعالاۋعا كەدەرگٸ كەلتٸرٸپ وتىر", - دەدٸ ول.
پرەزيدەنتتٸڭ ايتۋىنشا, ارنايى كوميسسييا 2 ميلليون ٸرٸ قارا جەنە 3 ميلليوننان استام ۋاق مال ساندا بار, ساناتتا جوق ەكەنٸن انىقتادى.
"ەگٸن شارۋاشىلىعى سالاسىندا دا وسىنداي جايتتار بار ەكەنٸ بەلگٸلٸ بولدى. شىن مەنٸندە, مۇنىڭ بەرٸ – مەملەكەتتەن سۋبسيدييا الۋ ٷشٸن جاسالعان كٶزبوياۋشىلىق. ونداي قىلمىستىق ەرەكەتتەرگە توسقاۋىل قويۋ قاجەت. ال مۇنداي ٸسپەن اينالىسقان ادامداردى جاۋاپكەرشٸلٸككە تارتۋ كەرەك", - دەدٸ ول.
توقاەۆ جەر اۋىل شارۋاشىلىعى سالاسىنا ينۆەستيتسييا تارتۋدىڭ باستى كەپٸلٸ ەكەنٸن ايتتى.
"جەر تەلٸمدەرٸن قايتارۋ جٶنٸندەگٸ ارنايى كوميسسييا ەكٸمدٸكتەردٸڭ اۋىل شارۋاشىلىعى القاپتارىن كونكۋرس ٶتكٸزبەي-اق بەرۋ تۋرالى ەكٸ مىڭنان استام زاڭسىز شەشٸم قابىلداعانىن انىقتادى. بۇل مەسەلە قاتىستى ەكٸۇشتى ۇستانىم بولماۋى قاجەت. زاڭسىز الىنىپ, پايدالانىلماي جاتقان جەر وڭتايلاندىرىلعان رەسٸم بويىنشا مەملەكەتكە قايتارىلۋعا تيٸس. ال جەردٸ پايدالانۋشى وعان ينۆەستيتسييا سالىپ, ادال ەڭبەك ەتٸپ جاتسا, جۇمىسقا بٶگەت جاساماۋ كەرەك. سونداي-اق ونىڭ اۋىلدى كٶركەيتٸپ, تۇرعىندارعا تۇراقتى جۇمىس بەرٸپ وتىرعانىن دا ەسكەرگەن جٶن", - دەدٸ ول.
