مەملەكەتكە وپاسىزدىق جاساپ, 10 جىلعا باس بوستاندىعىنان ايىرۋ جازاسىنا كەسٸلگەن كونستانتين سىروەجكين قازاقستان ازاماتتىعىنان ايىرىلدى, دەپ حابارلايدى "ۇلت اقپارات" الماتى قالالىق سوتىنا سٸلتەمە جاساپ.
«الماتى قالاسىنىڭ قىلمىستىق ٸستەر بويىنشا مامانداندىرىلعان اۋدانارالىق سوتىنىڭ ٷكٸمٸمەن كونستانتين سىروەجكين مەملەكەتكە وپاسىزدىق جاسادى دەپ تانىلىپ, 10 جىلعا باس بوستاندىعىنان ايىرىلدى. سونداي-اق سوت ونى قازاقستان رەسپۋبليكاسىنىڭ ازاماتتىعىنان ايىردى. سىروەجكين جازاسىن ارنايى رەجيمدەگٸ قاۋٸپسٸزدٸگٸ جوعارى كولونييادا ٶتەيدٸ. قىلمىستىق كودەكستٸڭ 51-بابىنىڭ نەگٸزٸندە نەگٸزگٸ جازانى ٶتەگەننەن كەيٸن كونستانتين سىروەجكيننٸڭ بەس جىل مەرزٸمگە قازاقستان رەسپۋبليكاسىنىڭ اۋماعىنا كٸرۋٸنە تىيىم سالىنىپ, قازاقستان رەسپۋبليكاسىنان مەجبٷرلٸ تٷردە شىعارىلادى», - دەپ حابارلايدى قالالىق سوتتىڭ باسپاسٶز قىزمەتٸ.
ايتا كەتەيٸك, بۇعان دەيٸن ساياساتكەر مەملەكەتكە وپاسىزدىق جاسادى دەپ تانىلىپ, 10 جىلعا باس بوستاندىعىنان ايىرىلعان بولاتىن.
