جازۋشى, حالىقارالىق «الاش» سىيلىعىنىڭ لاۋرەاتى دەۋرەن قۋات مەملەكەت باسشىسى قاسىم-جومارت توقاەۆتىڭ مەلٸمدەمەسٸنە وراي پٸكٸر بٸلدٸردٸ, دەپ حابارلايدى قازاقپارات.
«مەملەكەت باسشىسىنىڭ مەلٸمدەمەسٸ – ناعىز كەرەك مەلٸمدەمە بولدى. تٶتەنشە جاعداي جارييالانعالى كٶمەك, جەردەم سۇرايتىن ادامدار سانى كٶبەيٸپ كەتتٸ. مەديتسينا قىزمەتكەرلەرٸنٸڭ دەنساۋلىعىنا, جەكە باستارىنىڭ قاۋٸپسٸزدٸگٸنە قاتىستى مەسەلەلەر تۋىندادى. كەسٸپكەرلەر كەسٸبٸنەن قاعىلىپ قالماۋى كەرەك, سونداي-اق الىپ وتىرعان جالاقىلارى تٶمەندەپ قالعان نەمەسە كٷنكٶرٸس كٶزٸنەن ايىرىلىپ قالعان ازاماتتار بار. مەملەكەت باسشىسى قاسىم-جومارت توقاەۆ كەشە وسى مەسەلەلەردٸڭ بەرٸنە توقتالىپ, قاجەتتٸ كٶمەك كٶرسەتٸلەتٸنٸ تۋرالى مەلٸمدەدٸ», - دەيدٸ جازۋشى دەۋرەن قۋات.
ول مەملەكەت باسشىسى بيلٸكتٸڭ حالىقپەن بٸرگە ەكەندٸگٸن, حالىقتى ەشقانداي قيىن جاعدايعا قالدىرمايتىنى تۋرالى ايتقانىنا توقتالىپ ٶتتٸ.
«بۇل – بٸزدٸڭ مەملەكەتٸمٸزدٸڭ ەلەۋەتٸن, مول قاراجاتىمىز بار ەكەنٸن, وسىنداي قيىن جاعدايدا مەملەكەت تاراپىنان كٶمەك بولاتىنىن كٶرسەتەدٸ. پرەزيدەنتتٸڭ «ەندٸ مەملەكەتكە حالىق كٶمەكتەسۋٸ كەرەك» دەگەن سٶزٸ كٶڭٸلٸمنەن شىعادى. بۇل سٶزدٸ دۇرىس تٷسٸنۋٸمٸز كەرەك. ولاردىڭ قويىپ وتىرعان تالابى – ۆيرۋستىڭ تارالىپ كەتپەۋٸ ٷشٸن ٷيدەن شىقپاي وتىرۋ. بۇل ادامنىڭ قۇقىعىن, جەكە باسىنىڭ مٷددەسٸن شەكتەيتٸن تالاپ ەمەس. بۇل جەكە باسىمىزدىڭ قاۋٸپسٸزدٸگٸن ساقتاۋ ٷشٸن جاسالعان تالاپ», - دەيدٸ دەۋرەن قۋات.
سونداي-اق, ول بەرٸلەتٸن ەلەۋمەتتٸك تٶلەمدەرگە توقتالىپ ٶتتٸ. ونىڭ سٶزٸنشە, پرەزيدەنت 42 500 تەڭگە بەرٸلەتٸنٸ تۋرالى جاي عانا ايتا سالماي, ونداي كٶمەكتٸڭ قانشا ادامدى قامتيتىنىنا نازار اۋداردى. سونىمەن قاتار, دەۋرەن قۋاتتىڭ پايىمىنشا, بۇل ٷكٸمەتتٸڭ وسىعان قاتىستى ساناق, ساراپتاما جٷرگٸزگەنٸن بٸلدٸرەدٸ. «كەشەگٸ پرەزيدەنتتٸڭ مەلٸمدەمەسٸنەن كەيٸن كٶڭٸلٸمٸز ورنىعىپ قالدى. اينالاڭداعى ادامداردىڭ الاڭداماي, بولاشاققا سەنٸپ وتىرعانى دا جاقسى عوي», - دەيدٸ ول.
«قانشا قارجى بٶلٸندٸ, ونى قانشا ادام الدى – ٷكٸمەت وسىنىڭ بەرٸن اشىق تٷردە كٶرسەتٸپ وتىرسا جاقسى بولار ەدٸ. مىسالى, اقمولا وبلىسىنا قانشا جانار-جاعارماي بٶلٸنگەنٸ اشىق كٶرسەتٸلسە. سونىمەن قاتار, تەلەارنالار ازىق-تٷلٸكتٸڭ ادامدارعا تەگٸن جەتكٸزٸلگەنٸ تۋرالى ۆيدەوسيۋجەتتەر كٶرسەتٸپ تۇرسا دۇرىس بولار ەدٸ», - دەيدٸ دەۋرەن قۋات.
ايتا كەتەيٸك, كەشە پرەزيدەنت قاسىم-جومارت توقاەۆ رەسپۋبليكالىق تەلەارنالار ەفيرٸنەن مەلٸمدەمە جاساعان بولاتىن.
